San na a moro prenspari sani di unu kan du gi un pikin? Pikin-nengre abi furu sani fanowdu. Un musu sori den taki unu lobi den, un musu gi den leri èn un musu sorgu taki ogri no miti den. Ma a moro prenspari sani di unu kan du gi un pikin, na fu yepi den kon sabi Yehovah nanga den tru leri di de na ini en Wortu Bijbel (Yohanes 17:3). O moro den o kon sabi Yehovah, o moro den o lobi en. Na so den o wani dini en nanga den heri ati, awinsi den na pikin-nengre ete.​—Mateyus 21:16.

Furu papa nanga mama kon si taki den kan leri pikin-nengre wan sani te den e fruteri den wan syatu tori èn te den e meki den du wan tu makriki sani di abi fu du nanga a tori dati. Dati meki wi breiti fu tyari a buku disi kon na doro di nen Mi Bijbel les. Ibri les skrifi na so wan fasi taki den pikin kan leri wan sani makriki. A buku disi abi tekening nanga tori spesrutu gi pikin fu 3 yari noso moro yongu. Wi skrifi wan tu sani tu di unu kan meki den pikin du. A buku Mi Bijbel les a no wan preisani gi pikin-nengre. Wi meki en so taki unu kan leisi en makandra nanga un pikin. Na so unu o man taki nanga den èn unu o man sabi fa den e denki.

Wi de seiker taki a buku disi o yepi unu fu gi un pikin Bijbel leri, awinsi den de „beibi” ete.​—2 Timoteyus 3:14, 15.

Un brada,

A Tiri Skin fu Yehovah Kotoigi