LES 06
Fa a libi bigin?
’Gado na a sma di e gi libi’ (Psalm 36:9). Yu e bribi a sani disi? Son sma no e bribi taki na Gado gi wi libi. Efu dati de so, dan libi kon fu ensrefi. Ma efu na Yehovah Gado meki wi, dan a musu fu abi wan bun reide fu san ede a du dati. a Meki wi luku san Bijbel e taki fu a tori disi èn fu san ede wi kan bribi san Bijbel e taki.
1. Suma meki hemel nanga grontapu?
Bijbel e taki: „Na a bigin Gado meki hemel nanga grontapu” (Genesis 1:1). Furu sabiman e bribi taki grontapu, den stari nanga den planeiti ben abi wan bigin. Fa Gado meki den sani disi? A gebroiki a santa yeye, dati na a krakti fu en, fu meki ala sani na hemel nanga grontapu.—Genesis 1:2.
2. Fu san ede Gado meki grontapu?
Yehovah „no meki [grontapu] fu soso, ma a seti en fu sma libi na tapu” (Yesaya 45:18). Grontapu na wan moi tanpresi gi libisma èn a abi ala san den abi fanowdu fu man libi fu têgo. (Leisi Yesaya 40:28 nanga 42:5.) Sabiman kon si taki nowan tra planeiti de leki grontapu. Grontapu na a wan-enkri planeiti pe libisma man tan.
3. San libisma man du di meti no man du?
Baka di Yehovah meki grontapu a meki ala sortu bon nanga meti. Baka dati „Gado meki libisma leki fa ensrefi de”. (Leisi Genesis 1:27.) San libisma man du di meti no man du? Fu di Gado meki wi leki fa ensrefi de meki wi man sori lobi neleki en èn wi man sabi san bun èn san no bun. A meki wi na so wan fasi tu taki wi man taki difrenti tongo, taki wi man arki moi poku èn taki wi man du tra sani di wi lobi. Wan tra sani na taki wi kan anbegi wi Mekiman, wan sani di meti no man du.
SORTU TRA SANI YU KAN LERI?
Wi o si sortu buweisi de taki Gado meki libisma nanga meti èn fu san ede wi kan bribi san Bijbel e taki fu a tori disi. Wi o si tu san den moi fasi di libisma abi e leri wi fu Gado.
4. Na Gado meki ala sani
Libisma e kisi a grani fu den sani di den teki abra fu a natuur. Ma suma musu kisi a grani? Prei a FELEM èn taki fu na aksi disi:
-
Sortu sani di libisma meki den teki abra fu a natuur?
Ibri oso abi wan sma di meki en. Ma suma meki den sani na grontapu? Leisi Hebrewsma 3:4 èn taki fu den aksi disi:
-
Sortu sani di Gado meki yu feni moi?
-
Yu e bribi taki Gado meki grontapu nanga ala tra sani? Fu san ede yu taki dati?
Yu ben sabi a sani disi?
Yu kan feni artikel nanga felem fu a tori disi na ini a JW Library® na den pisi di nen „Den sani di Gado meki” nanga „Fa a libi du kon?”
„Ibri oso abi wan sma di meki en, ma a sma di meki ala sani na Gado”
5. Bijbel e sori fa Gado meki ala sani
Na ini Genesis kapitel 1, Bijbel e sori fa Gado meki grontapu nanga ala den tra sani na tapu. Yu kan bribi san skrifi drape noso na wan anansitori? Prei a FELEM èn taki fu den aksi disi:
-
Bijbel e leri taki Gado meki grontapu nanga den tra sani na ini 6 dei fu 24 yuru?
-
Te yu luku san Bijbel e taki fu a fasi fa Gado meki sani, dan yu feni taki a makelek fu frustan? Yu e bribi san Bijbel e taki? Fu san ede yu piki so?
Leisi Genesis 1:1 èn taki fu na aksi disi:
-
Sabiman taki dati grontapu nanga ala tra sani ben abi wan bigin. Fa a tekst disi e sori taki a sani disi tru?
Son sma e aksi densrefi efu Gado gebroiki evolutie fu meki meti nanga libisma. Den e denki taki Gado meki wan cel èn a cel dati kenki kon tron fisi, tra meti nanga libisma. Leisi Genesis 1:21, 25, 27 èn taki fu den aksi disi:
-
Bijbel e leri taki Gado gebroiki evolutie fu meki fisi, tra meti nanga libisma? Noso na en meki libisma nanga den difrenti sortu meti?
6. Libisma no de leki den tra sani di Gado meki
Yehovah meki libisma nanga meti. Ma libisma man du sani di meti no man du. Leisi Genesis 1:26 èn taki fu na aksi disi:
-
Libisma man sori lobi èn den man firi gi trawan. San disi e leri wi fu Gado?
SON SMA E TAKI: „Libi kon fu ensrefi”
-
San yu e denki? Fu san ede yu e denki so?
SAN YU LERI?
Yehovah meki grontapu, libisma nanga ala tra sani.
Fa yu ben o piki den aksi disi?
-
Fa hemel nanga grontapu kon de?
-
Gado gebroiki evolutie fu meki fisi, tra meti nanga libisma noso na en meki libisma nanga den difrenti sortu meti?
-
Sortu sani libisma man du di meti no man du?
TRA SANI DI YU KAN LUKU
Na artikel disi e taki fu wan tu moi eksempre di e sori taki wan Mekiman musu fu de.
Luku fa wan papa e yepi a boi fu en fu frustan taki na Gado meki ala sani.
Na artikel disi e sori taki Gado no gebroiki evolutie fu meki libisma nanga meti.
„Gado gebroiki evolutie fu meki difrenti sani na grontapu?” (Web-artikel)
