Yehovah gi wi brada nanga sisa „na heri grontapu” fu yepi wi (1Pe 5:9). Den kan yepi wi na ini muilek situwâsi na ini a preikiwroko. Fu eksempre, na apostel Paulus ben kisi wini fu a yepi di a ben kisi fu Akwila nanga Preskela, Silas, Timoteyus, nanga trawan.​—Tori 18:1-5.

Fa brada nanga sisa kan yepi yu na ini a preikiwroko? Den kan gi yu bun rai san fu du te wan sma e taki wan sani fu tapu a takimakandra. Den kan yepi yu tu fu tyari wan gobaka, fu bigin èn fu hori wan Bijbelstudie. Aksi wan sma na ini yu gemeente di kan yepi yu fu du dati. Seiker un ala tu o kisi wini èn a o gi un furu prisiri.​—Fil 1:25.

LUKU A FELEM YU O PRISIRI TE YU E MEKI DISIPEL​—MEKI YEHOVAH YEPI YU​—WI BRADA NANGA SISA. BAKA DATI PIKI DEN AKSI DISI:

• Fa Neeta ben gi Jade deki-ati fu kon na den gemeente konmakandra?

• Fu san ede wi musu aksi tra preikiman fu go nanga wi na wan Bijbelstudie?

• San Jade nanga Abigay ben lobi?

• Fa brada nanga sisa kan yepi yu fu du yu diniwroko moro bun?