Yehovah pipel, wi famiri
1. Langa ten mi si den in mi dren:
Sma di lob mi trutru, d’e yep mi ala ten.
So mi b’e howpu tak m’o feni den wan dei,
sma di d’a mi sei, d’e yep mi te m’e krei.
2. A ten kon doro. Mi dren kon tru.
Mi feni Gado pipel, m’e fir a lobi f’den.
Den na sma d’e sor tru lobi ala ten.
Dis a no wan dren. M’e fir fa Gado blesi mi.
(BRUG)
Now mi ab brada nanga sisa, papa, mama tu.
Yonguwan na ala sei, owru brada tu.
Mi ab mati n’ala sei, ja, sma di lob mi tru.
Yehovah ben mek tak mi tron famiri f’yu.
3. Wi lob makandra, ai, wi na wán.
Yehovah giw’ famiri, na dyaso wi wan’ tan.
Now awinsi pe f’grontapu wi e go,
trutru mati lai, mati d’e warderi wi.
(BRUG)
W’e si ala sortu sma, fu ala tongo tu.
Yehovah ben mek tak den tron famiri f’yu.
4. Wi Gado ler wi fu sor tru lobi tu,
fu libi lek famiri, na dat a wan wi du.
Te wi fen’ a têgo libi, dan w’o si
fa tru mati lai èn fa Gad’e blesi wi.
Mati di de lek famiri f’wi,
famiri f’wi,
famiri f’wi.
