Nasifundza liBhayibheli singasebentisa emathulusi lehlukene ekudadisha kuze sikucondze loko lesikufundzako. Kodvwa kufanele sente lokungetulu nje kwekumane sitfole emaciniso laseBhayibhelini. Sifuna kufundza kabanti ngebuntfu baJehova lobungakhulisa lizinga lesimtsandza ngalo. Kuze sikhone kukwenta loko, singatibuta, ‘Lendzaba lengiyifundzako ingifundzisani ngaJehova?’

Singabuka indlela Jehova lalukhombise ngayo lutsandvo, kuhlakanipha, kulunga nemandla. Nobe kunjalo, Jehova akagcini nje ngekuba nalobuntfu lobu. Unalobunye buntfu lobuhle. Kukuphi lawungafundza khona kabanti ngalobuntfu bakhe?

Buka buntfu bakhe lobungetulu kwa-50 ku-Watch Tower Publications Index ngephansi kwesihloko lesitsi “Jehovah,” bese ubuka sihlokwana lesitsi “Qualities by Name.” Cwaninga ngebuntfu lobuhambisana nendzaba loyifundzako. (Nangabe uneLithulusi Lekucwaninga LaBoFakazi BaJehova kuphela, buka sihloko lesitsi “Jehova Nkulunkulu,” bese ubuka sihlokwana lesitsi “Bunguye BaJehova.”)