Jesu watsi: “Niphiwe mahhala, nani phanini mahhala.” (Mat 10:8) Siyasilalela lesicondziso ngekungabatsengiseli bantfu liBhayibheli kanye netincwadzi tetfu letisekelwe kulo. (2Ko 2:17) Nanobe kunjalo, letincwadzi tinemaciniso laligugu lavela eVini laNkulunkulu. Kusetjentiswa timali letinyenti futsi bazalwane bayatikhandla kuze letincwadzi tishicilelwe tiphindze titfunyelwe emabandleni lasemhlabeni wonkhe. Ngako-ke, kufanele sitsatse tincwadzi lesitatisebentisa.

Sebentisa kuhlakanipha nawunika bantfu tincwadzi ngisho nasetindzaweni tawonkhewonkhe. (Mat 7:6) Kunekutsi umane unikete nobe ngubani lowendlulako incwadzi, cale ucoce naye kute ubone kutsi uyakujabulela yini kufundza. Ungayiphendvula yini ngayebo lemibuto lesebhokisini? Nawungaciniseki kutsi lomuntfu uyakujabulela yini kufundza, mnike lipheshana. Nanobe kunjalo, nangabe acela magazini nobe incwadzi letsite, ungamniketa yona.—Tag 3:27, 28.