Kuze bantfu lesifundza nabo liBhayibheli babe bangani baJehova, kufanele batihlanganise nebantfu labakahle. (Hl 15:1, 4) Kutihlanganisa nebantfu labakahle kutabasita bente lokulungile.—Tag 13:20; lff sifundvo 48.

Nawusita lofundza nabo kutsi bagweme bangani lababi kufanele ube neluvelo. Kungenteka bakutfola kumatima kushiya bangani babo labaseveni. Ngako bakhombise kutsi unendzaba nabo ngisho nangemalanga leningafundzi ngawo. Loku kungafaka ekhatsi kumtfumelela umlayeto, kumshayela nobe kumvakashela. Njengobe achubeka atfutfuka, ungammema kutsi abe khona emibutsanweni yebantfu baNkulunkulu. Loku kutawubenta babone kutsi kunyenti labakutfolako kunaloko lokubalahlekelako. (Mak 10:29, 30) Nawe kutakujabulisa kubona umndeni waJehova wandza.

BUKELANI I-VIDEO LETSI SITA LOFUNDZA NABO LIBHAYIBHELI KUTSI BAGWEME KUTIHLANGANISA NEBANTFU LABANGAMTSANDZI JEHOVA, BESE NIPHENDVULA LEMIBUTO LELANDZELAKO:

• Bobani bangani lababi?—1Kt 15:33

• Jade bekacabanga kutsi kutawuba njani embutsanweni wemaKhristu?

• Neeta wamsita njani Jade kutsi avale sikhala sebangani lababi?