KUPHILA KWEMAKHRISTU

Sita Bantfu Labangakholwa Kutsi Bamati UMdali Wabo

DLALA

Kuyenteka yini ungabashumayeli bantfu labangakholwa, ngenca yekutsi ucabanga kutsi angeke bakulalele? Nangabe kunjalo, khumbula kutsi bantfu labanyenti labangakholwa, lokufaka ekhatsi bantfu labangakholelwa kutsi Nkulunkulu ukhona, bagcina sebaBoFakazi BaJehova. Ngalokuvamile basuke badzinga lusito loluncane kuze batfole bufakazi bekutsi Nkulunkulu ukhona.—Rom 1:20; 10:14.

BUKELANI I-VIDEO LETSI KHUMBULA—BANTFU LABETE KUKHOLWA BANGABA NAKO!—BANTFU LABANGAKHOLWA, BESE NIPHENDVULA LOMBUTO LOLANDZELAKO:

Lokwenteka kuTommaso kukusita njani kutsi ube nembono lokahle nawushumayela bantfu labangakholwa?

Your answer

Indlela yekukwenta

Nangabe umuntfu atsi akakholelwa kuNkulunkulu, bani nemusa, ukhulume ngekuhlakanipha uphindze ukhombise kutsi unesifiso sekukuva loko lakucabangako nendlela lativa ngayo ngalendzaba. (2Tm 2:24) Coca ngetihloko lokungenteka timkhange. Uyafuna yini kucoca ngebufakazi lobente bantfu labanyenti bakholelwa kuMdali? Nangabe kunjalo, sebentisa tincwadzi nema-video lentelwe leyo njongo. Incwajana letsi Kwaba Khona Njani Kuphila? kanye naletsi The Origin of Life—Five Questions Worth Asking tifakwe emaThulusini etfu eKufundzisa kuze titotfolakala kamelula.

Ekucaleni ungahle ungabate kucoca ngemaciniso laseBhayibhelini nemuntfu longakholelwa kuNkulunkulu. Kungakusita kucela lusito kummemeteli losanesikhatsi lesidze ashumayela. Khumbula nekutsi Jehova angasisita kutsi sikhone kutsintsa tinhlitiyo talabo labatfobekile, ngisho nobe ekucaleni bebangakholelwa kutsi Nkulunkulu ukhona.—Imi 13:48.

INCWAJANA YEKUBHALELA EMHLANGANWENI WEKUPHILA KWEMAKHRISTU