Amose 6:1-14
6 “Maye kulabo labatetsembako* eSiyoni,Labo labativa bavikelekile entsabeni yaseSamariya,+Maye kini nine madvodza lahlonishwako etive letatiwako,Lawo bantfu baka-Israyeli labetsembele kuwo!
2 Yewelelani eKhaline nibone.
Nanisuka lapho, nibokuya eHamathi Lenkhulu,+Futsi yehlelani eGathi yemaFilisti.
Ancono yini kunalemibuso,*Nome indzawo yawo yinkhulu yini kuneyenu?
3 Niyalikhohlwa yini lilanga lenhlekelele+ etingcondvweni tenuFutsi nenta kubuswe* ngeludlame yini?+
4 Nilala emibhedzeni leyakhiwe ngelitinyo lendlovu+ futsi ningcebeleka kubosofa,+Nidle timvu letindvuna temhlambi netinkunzi letisetincane letikhuluphele;+
5 Nicamba tingoma ngemsindvo wemahabhu,*+Futsi njengaDavide, nisungula tinsimbi temculo;+
6 Ninatsa liwayini leligcwele etitjeni+Futsi nitigcoba ngemafutsa elikhetselo.
Kodvwa anitihluphi* ngenhlekelele yaJosefa.+
7 Ngako nitawuba bekucala kulabo labatawuya ekutfunjweni,+Kudzakwa nekukhibika kwenu kutawuphela.
8 ‘INkhosi Lephakeme Jehova itifunge yona,’*+ kusho Jehova Nkulunkulu wemabutfo,‘“Kuyangicansula kutikhukhumeta kwaJakobe,+Ngiyayenyanya imibhoshongo+ yakhe levikelekile,Futsi ngitawunikela lelidolobha nako konkhe lokukulo etitseni talo.+
9 “‘“Nangabe emadvodza langu-10 asele endlini yinye, nawo atawufa.
10 Kutawuchamuka sihlobo* siwakhiphele ngephandle, siyowashisa ngayinye ngayinye. Sitawukhiphela ematsambo awo ngaphandle; sitawubese sitsi kunome ngubani losemakamelweni alendlu: ‘Bakhona yini labanye lonabo lapho?’ Yena utawutsi: ‘Kute muntfu!’ Sona sitawubese sitsi: ‘Thula! Ngobe lesi akusiso sikhatsi sekubita libito laJehova.’”
11 Ngobe nguJehova lokhipha lomyalo,+Futsi utawubhidlita lendlu lenkhulu ibe ticucuNalendlu lencane nayo ibe ticucu.+
12 Emahhashi ayagijima yini edvwaleni,Nobe umuntfu angalima yini lapho ngetinkhabi?
Ngobe nigucule kulunga nakwenta sihlahla lesinashevu,Nesitselo sekulunga nasenta saba sihlahla lesibabako.+
13 Nijatjuliswa tintfo letingenamsebenti,Futsi nitsi, “Asikabi nemandla+ yini tsine ngekwetfu?”
14 Ngako-ke, ngitawuletsa sive+ simelane nawe, wenandlu yaka-Israyeli,’ kusho Jehova Nkulunkulu wemabutfo,‘Futsi sitanicindzetela kusukela eLebo-hamathi*+ kwehlele eSigodzini* sase-Arabha.’”
Imibhalo lengentansi
^ Nobe “labanganaki.”
^ Kushiwo umbuso wakaJuda newaka-Israyeli.
^ NgesiHebheru kutsi, “sihlalo.”
^ Nobe “tinsimbi temiculo letinetintsambo.”
^ NgesiHebheru kutsi, “abaguliswa yinhlekelele.”
^ Nobe “umphefumulo wakhe.”
^ NgesiHebheru kutsi, “Umnakaboyise.”
^ Nobe “kusukela esangweni laseHamathi.”
^ Fundza Tinchazelo Temagama.
