Habakhuki 2:1-20
2 Ngitawuchubeka ngimile ngisendzaweni yami yekugadza,+Futsi ngitawuma elubondzeni lolucinile.
Ngitawuchubeka ngilindzile kuze ngibone loko latakusho asebentisa mineKanye nendlela lengitawuphendvula ngayo nangisolwa.
2 Jehova wase uyangiphendvula watsi:
“Bhala phansi lombono futsi uwubhale ngalokucacile etibhelekeceni tematje,+Kuze loyo lowufundza ngalokuvakalako, awufundze kalula.*+
3 Kunesikhatsi lesibekiwe salombono kutsi ugcwaliseke,Lesikhatsi sitawufika ngekushesha, futsi lombono angeke ube ngemanga.
Ngisho nobe ungephuta,* chubeka uwulindzele!*+
Ngobe nakanjani utawugcwaliseka.
Angeke wephute!
4 Buka loyo lotiphakamisako;*Akaketsembeki.
Kodvwa lolungile utawuphila ngenca yekwetsembeka kwakhe.*+
5 Ngenca yekutsi liwayini liyayengana,Umuntfu lotigcabhako ngeke awufeze umgomo wakhe.
Sifiso* sakhe usenta sibe sikhulu ngangeliThuna;*Ufana nekufa futsi angeke enetiseke.
Uchubeka abutsisela ndzawonye tonkhe tiveAphindze atibutsisele yena bonkhe bantfu.+
6 Angeke yini bonkhe laba basho taga, bamyenge futsi bamphukute?+
Batawutsi:
‘Maye kuloyo lotifunela lokungasiko kwakhe
Naloyo lotandzisela sikweleti sakhe!
Loku kutakwenteka kuze kube ngunini?
7 Labo lobakweletako angeke yini baphakame ngekushesha?
Batawuvuka bakunyakatise ngeludlame,Futsi batawutsatsa tintfo takho.+
8 Ngesizatfu sekutsi wemuke tive letinyenti tintfo tato,Tonkhe letinye tive titawutsatsa tintfo takho,+Ngobe ucitse ingati yebantfuFutsi wenta budlova emhlabeni,Nasemadolobheni, nakubo bonkhe labahlala kuwo.+
9 Maye kuloyo lowentela indlu yakhe inzuzo ngebubi,Kuze abeke sidleke sakhe etulu,Aphindze abalekele kutfolwa yinhlekelele!
10 Emacebo akho abangele kutsi indlu yakho ihlazeke,Ngekucotfula tive letinyenti, uyona kuwe ngekwakho.*+
11 Ngobe litje litawukhala limemete elubondzeni,Bese kutsi lugodvo loluseluphahleni luphendvule.
12 Maye kuloyo lowakha lidolobha ngekucitsa ingati,Futsi alimise ngekungalungi!
13 Akusuye yini Jehova wemabutfo lowente kutsi tive tisebente kamatima tisebentele lokutawugcinela emlilweni,Nekutsi tive tidzinelwe lite?+
14 Ngobe umhlaba utawugcwala lwati lwenkhatimulo yaJehovaNjengemanti lagcwalisa lwandle.+
15 Maye kuloyo lonika bangani bakhe lokutsite kwekunatsa,Futsi afake kuko lulaka nentfukutselo kuze abente badzakwe,Khona atewubuka bungcunu babo!
16 Wena utawuhlazeka kakhulu kunekutsi ukhatinyuliswe.
Nawe-ke, natsa futsi uvete simo sakho sekungasoki.*
Indzebe lesesandleni sangesekudla saJehova itawuta ngakuwe,+Futsi lihlazo litawumbonya inkhatimulo yakho;
17 Ngobe budlova lobentiwa eLebanoni butakumbonya,Nembhubhiso leyesabisa tilwane tesiganga itakwehlela kuwe,Ngenca yekutsi ucitsa ingati yebantfuWenta nebudlova emhlabeni,Nasemadolobheni kanye nakulabo labahlala kuwo.+
18 Sisita ngani sithico lesibatiweLesentiwe ngumuntfu?
Sisita ngani sithico sensimbi* nemfundzisi wemanga,Ngisho nobe umbati waso asetsemba,Ente ngisho nabonkulunkulu labangenamsebenti labatimungulu?+
19 Maye kuloyo lotsi esigodvweni: “Vuka!”
Nobe lotsi etjeni: “Vuka! Sifundzise!”
Lesithico sihucwe ngeligolide nangelisiliva,+Futsi asiphefumuli sanhlobo.+
20 Kodvwa Jehova usethempelini lakhe lelingcwele.+
Umhlaba wonkhe awuthule embikwakhe!’”+
Imibhalo lengentansi
^ Nobe “ngalokushelelako.”
^ Nobe “ngisho ubonakala wephuta.”
^ Nobe “chubeka uwulangatelela!”
^ Nobe “Umphefumulo wakhe uyatikhukhumeta.”
^ Kungaphindze kubekwe ngekutsi, “kukholwa.”
^ Nobe “Umphefumulo.”
^ Nobe “iShiyoli,” lokusho lithuna lebantfu. Fundza Tinchazelo Temagama.
^ Nobe “emphefumulweni wakho. ”
^ Kungaphindze kubekwe ngekutsi, “kuyendza.”
^ Nobe “sithico sensimbi lencibilikisiwe.”
