Hoseya 12:1-14
12 “Efrayimu wetsembele etintfweni letingenamsebenti.*
Ucoshana nemoya wasemphumalanga lilanga lonkhe.
Uhlala akhuluma emanga futsi enta budlova.
Wenta sivumelwane ne-Asiriya+ futsi utsatsa emafutsa awayise eGibhithe.+
2 Jehova ubeke Juda licala;+Utawunika Jakobe sijeziso lesifanele imisebenti yakhe,Futsi utatiphindziselela kuye ngaloko lakwentile.+
3 Ngesikhatsi Jakobe asesiswini samake wakhe, wabamba sitsendze semnakabo.+
Walwa naNkulunkulu ngawo onkhe emandla akhe.+
4 Wachubeka alwa nengilosi futsi wayehlula.
Wakhala, ayincenga kutsi imbusise.”+
Nkulunkulu watfola Jakobe eBetheli, wakhuluma naye khona lapho.+
5 Yena unguJehova Nkulunkulu wemabutfo,+Bantfu kufanele bakhumbule kutsi libito lakhe nguJehova.+
6 “Ngako-ke buyelani kuNkulunkulu wenu,+Kufanele nihlale ninelutsandvo lolucotfo, nente tintfo ngekulunga,+Futsi netsembele kuNkulunkulu wenu njalo.
7 Kodvwa umtsengisi uphatsa tikali letikhohlisako;Uyakutsandza kugebenga labanye.+
8 Efrayimu uhlale atsi: ‘Mine senginjingile;+Sengitfole umcebo.+
Wonkhe lomcebo ngiwusebentele kamatima, futsi kute lokubi nobe sono labatasitfola kimi.’
9 Kodvwa mine nginguJehova Nkulunkulu wenu kusukela ngesikhatsi niseGibhithe.+
Ngitawenta kutsi niphindze nihlale emathendeniNjengasemalangeni emkhosi lobekiwe.
10 Ngakhuluma nebaphrofethi,+Ngabenta babona imibono leminyenti,Futsi ngasho imifanekiso ngisebentisa bona.
11 EGileyadi kugcwele kukhohlisa*+ nemanga.
Bantfu benta imihlatjelo yetinkunzi eGilgali,+Ema-al’thare abo afanana netindvundvuma tematje emiseleni yensimu.+
12 Jakobe wabaleka waya eveni* lase-Aramu;*+Israyeli+ wasebenta lapho kuze atfole umfati,+Welusa timvu kuze atotfola umfati.+
13 Jehova wasebentisa umphrofethi kuze akhiphe Israyeli eGibhithe,+Futsi wamvikela asebentisa umphrofethi.+
14 Efrayimu ucansule Nkulunkulu kabuhlungu;+Sono sakhe sekubulala sitawuhlale sisetikwakhe;INkhosi yakhe itawutiphindziselela kuye ngenca yekutsi uyihlambalatile.”+
Imibhalo lengentansi
^ NgesiHebheru kutsi, “Efrayimu udla umoya.”
^ Nobe “imilingo; tintfo letingacondzakali.”
^ Nobe “laseSiriya.”
^ NgesiHebheru kutsi, “endzaweni.”
