Hoseya 3:1-5
3 Jehova wabese utsi kimi: “Hamba ubuyele kumfati wakho, uphindze umtsandze nanobe asatsandvwa ngulenye indvodza futsi aphinga,+ njengobe nje naJehova abatsandza bantfu baka-Israyeli+ nanobe sebagucukele kulabanye bonkulunkulu+ futsi batsandza emagilebisi lomisiwe.”*
2 Ngako ngatitsengela yena ngetinhlavu telisiliva letingu-15 nangemalitha langu-330* ebhali.
3 Ngabese ngitsi kumfati wami: “Wena utawuba ngewami emalanga lamanyenti. Yekela kugwadla* futsi ungalali nalenye indvodza, nami angeke ngilale nawe.”
4 Loku kungenca yekutsi kutawuphela sikhatsi lesidze* ema-Israyeli ete inkhosi,+ ete umbusi, angayenti imihlatjelo, ete litje lelingcwele, ete nesidziya+ kanye netithico.*+
5 Ngemuva kwaloko, emalangeni ekugcina bantfu baka-Israyeli batawubuya bafune Jehova Nkulunkulu wabo+ naDavide inkhosi yabo,+ futsi ngenca yekutsi bayamesaba Jehova, batawubuyela kuye kuze abentele lokuhle.+
Imibhalo lengentansi
^ Lokusho emagilebisi lasetjentiswa ekukhonteni kwemanga.
^ NgesiHebheru kutsi, “nangehomeri nehhafu.” Fundza Sandzisanchazo B14.
^ Nobe “kutiphatsa kabi.”
^ NgesiHebheru kutsi, “emalanga lamanyenti.”
^ Nobe “nabonkulunkulu basekhaya.”
