Isaya 61:1-11
61 Umoya weNkhosi Lephakeme Jehova usetikwami,+Ngobe Jehova ungigcobile kuze ngimemetele tindzaba letimnandzi kulabamnene.+
Ungitfumele kutsi ngibophe emanceba alabo labanetinhlitiyo letephukile,Ngimemetele ngekukhululwa kwalabatfunjiweNekutsi tiboshwa titawuphindze tibone,+
2 Ungitfume kutsi ngimemetele umnyaka waJehova wemusaNelilanga laNkulunkulu wetfu lemphindziselo,+Futsi ngidvudvute bonkhe labalilako,+
3 Ngisite labo labalilela iSiyoni,Ngibanike kwekushucula esikhundleni semlotsa,Ngibanike emafutsa enjabulo esikhundleni sekulila,Ngabanika nesembatfo sekudvumisa esikhundleni semoya lowephukile.
Bayawubitwa ngekutsi tihlahla letinkhulu tekulunga,Titjalo taJehova, kuze bamkhatimulise.+
4 Bayawukwakha kabusha tindzala takadzeni;Bayawuvusa tindzawo takadzeni letabhidlitwa,+Futsi bayawulungisa emadolobha lebekabhidlitiwe,+Balungise tindzawo letasala tingenamuntfu etitukulwaneni ngetitukulwane.+
5 “Bantfu labangatiwa bayawusukuma beluse imihlambi yenu,Bantfu bekuhamba+ bayawuba balimi benu nebanakekeli bemasimu enu emagilebisi.+
6 Nine, niyawubitwa ngekutsi nibaphristi baJehova;+Batawutsi nikhonta Nkulunkulu wetfu.
Niyawudla umnotfo wetive,+Futsi niyawutigabatisa ngenkhatimulo* yato.
7 Esikhundleni selihlazo, niyawutfola incenye lephindvwe kabili,Futsi esikhundleni sekuhlazeka, bayawumemeta ngenjabulo nabatfola incenye yabo.
Nakanjani bayawuba nencenye lephindvwe kabili eveni labo.+
Bayawuba nenjabulo lehlala phakadze.+
8 Ngobe mine Jehova, ngiyakutsandza kwehlulela ngekulunga;+Ngiyakutondza kweba nekungalungi.+
Ngitababhadala ngekwetsembeka,Futsi ngitakwenta sivumelwane saphakadze nabo.+
9 Bantfwana* babo batawatiwa etiveni+Nentalelwane yabo yatiwe kubantfu betive letehlukahlukene.
Wonkhe umuntfu lobabonako utawukwatiKutsi bayintalelwane* lebusiswe nguJehova.”+
10 Ngiyawujabula kakhulu ngaJehova.
Umphefumulo wami uyawujabula ngaNkulunkulu wami.+
Ngobe ungembatsise tembatfo tensindziso;+Wangigocotela ngengubo* yekulunga,Njengemkhwenyane lofaka umshuculo lonjengewemphristi,+Nanjengamakoti lotihlobisa ngemihlobiso yakhe.
11 Njengobe nje umhlaba uveta emahlumela awoNalokuhlanyelwe engadzeni kuhluma,Kanjalo neNkhosi Lephakeme JehovaYenta kulunga+ neludvumo kuhlume+ kuto tonkhe tive.
Imibhalo lengentansi
^ Nobe “ngemcebo.”
^ NgesiHebheru kutsi, “inhlanyelo.”
^ NgesiHebheru kutsi, “inhlanyelo.”
^ Nobe “ngelijazi lelingenamikhono.”
