Sengikulungele Yini?
Sengikulungele Yini Kushumayela Nelibandla?
Ungakulungela kuba ngummemeteli longakabhajatiswa . . .
Nawulifundza njalo liBhayibheli, uthantaza futsi uya njalo emihlanganweni yelibandla.
Nawukutsandza futsi ukwetsemba loko lokufundzako futsi ufuna kukutjela labanye.
Nawutsandza Jehova futsi ungumngani walabo labamtsandzako.
Nawungasasilo lilunga lenhlangano yetepolitiki nobe yenkholo yemanga.
Nawuphila ngetimiso taJehova futsi ufuna kuba ngulomunye waBoFakazi bakhe.
Nawuva shengatsi sewukulungele kushumayela nelibandla, loyo lokufundzela liBhayibheli angahlela kutsi uhlangane nalabadzala belibandla kuze bacoce nawe ngekutsi yini longayenta kuze ufaneleke.
Sengikulungele Yini Kubhajatiswa?
Ungakulungela kubhajatiswa . . .
Nawungummemeteli longakabhajatiswa.
Nawuwenta njalo umsebenti wekushumayela.
Nawusekela futsi ulandzela ticondziso ‘tesisebenti lesetsembekile nalesihlakaniphile.’—Matewu 24:45-47.
Nasewutinikele kuJehova ngemthantazo wametsembisa kutsi ufuna kukhonta yena kuze kube phakadze.
Nawuva shengatsi sewukulungele kubhajatiswa, loyo lokufundzela liBhayibheli angahlela kutsi uhlangane nalabadzala belibandla kuze bacoce nawe ngekutsi yini longayenta kuze ufaneleke.
