SIFUNDVO 53
Khetsa Kwekutijabulisa Lokujabulisa Jehova
Jehova ‘nguNkulunkulu lojabulako.’ (1 KuThimothi 1:11) Ufuna kutsi sijabule futsi sikujabulele kuphila. Uyajabula nangabe sitinika sikhatsi sekuphumula. Kulesifundvo, sitawubona kutsi singasisebentisa njani sikhatsi sekuphumula ngendlela letasijabulisa, isenetise iphindze ijabulise naJehova.
1. Yini lokufanele siyikhumbule nasikhetsa kwekutijabulisa?
Yini lotsandza kuyenta nawuphumulile? Labanye batsandza kutihlalela ekhaya bafundze incwadzi, balalele umculo, babukele i-movie nobe bangene ku-Internet. Labanye batsandza kuba nebangani babo, bacance tintsaba, babhukushe nobe badlale. Kunobe yini lesiyitsandzako, kufanele siciniseke kutsi ‘iyemukeleka eNkhosini.’ (Kubase-Efesu 5:10) Kubalulekile kutsi sikwati loko ngobe tintfo letinyenti bantfu labakhetsa kutibukela, kutilalela nobe kutenta tifaka ekhatsi budlova, kutiphatsa kabi ngekwelicansi nobe kusebentisa imimoya, futsi tiyenyanyeka kuJehova. (Fundza Tihlabelelo 11:5.) Yini lengasisita kutsi sikhetse kwekutijabulisa lokukahle?
Nangabe sikhetsa bangani labatsandza Jehova, bangaba nemtselela lomuhle kitsi nakuloko lesikhetsa kutijabulisa ngako. Njengobe sifundzile esifundvweni lesendlulile, “loyo lohamba nalabahlakaniphile naye utawuhlakanipha.” Ngakulokunye, ‘tintfo titasihambela kabi’ nangabe sihlale sitihlanganisa nebantfu labangatitsandzi timiso taNkulunkulu.—Taga 13:20.
2. Kubaluleke ngani kutsi sisikale sikhatsi lesisicitsa sitijabulisa?
Ngisho nobe loko lesitijabulisa ngako kwemukeleka kuJehova, kufanele sicaphele kutsi singacitsi sikhatsi setfu lesinyenti kuko. Ngale kwaloko, singatikhandza sesite sikhatsi lesenele sekwenta tintfo letibaluleke kakhulu. LiBhayibheli lisikhutsata kutsi ‘sisisebentise kahle sikhatsi setfu.’—Fundza Kubase-Efesu 5:15, 16.
CHUBEKA UFUNISISA
Fundza kutsi ungatenta njani tincumo letikahle nawukhetsa kwekutijabulisa.
3. Kubalekele kutijabulisa lokubi
Kungani kufanele sikukhetse kahle loko lesitijabulisa ngako? Dlala le-VIDEO, bese nicoca ngalemibuto lelandzelako.
-
Leminye imidlalo lekhona nyalo ifana njani naleyo lebeyidlalwa eRoma yasendvulo?
-
Kule-video, yini Danny layifundza ngekutijabulisa?
Fundza KubaseRoma 12:9, bese nicoca ngalombuto:
-
Lelivesi lingakusita njani kuze ukukhetse kahle longatijabulisa ngako?
Ngutiphi letinye tintfo Jehova latenyanyako? Fundza Taga 6:16, 17 naKubaseGalathiya 5:19-21. Ngemuva kwekufundza umbhalo ngamunye, cocani ngalombuto:
-
Ngutiphi tintfo lokukhulunywe ngato kulamavesi letivamile kutekutijabulisa lokukhona lamuhla?
Yini lengakusita ukukhetse kahle kwekutijabulisa
Tibute:
-
Kuyini? Kufaka ekhatsi tintfo Jehova latenyanyako yini?
-
Nini? Kudla sikhatsi lokufanele ngabe ngisicitsa ngenta tintfo letibalulekile yini?
-
Bobani? Kungenta ngisondzelane nebantfu labangamtsandzi yini Jehova?
Kuphephile kudlalela khashane nengoti. Kungako kufanele sikubalekele kutijabulisa ngetintfo lesisola kutsi timbi
4. Sisebentise kahle sikhatsi sakho
Dlala le-VIDEO, bese nicoca ngalombuto lolandzelako.
-
Nanobe lomzalwane lokule-video bekangabukeli tintfo letimbi, kepha yini leyabese iba yinkinga?
Fundza KubaseFiliphi 1:10, bese nicoca ngalombuto:
-
Lelivesi lingasisita njani sincume kutsi singanani sikhatsi lesitasicitsa sitijabulisa?
5. Khetsa kwekutijabulisa lokukahle
Ngisho nobe letinye tintfo tekutijabulisa tingemukeleki kuJehova, kodvwa tinyenti tintfo letikahle lesingatijabulisa ngato. Fundza Umshumayeli 8:15 naKubaseFiliphi 4:8, bese nicoca ngalombuto:
-
Ngukuphi kwekutijabulisa lokukahle lokutsandzako?
Ungakujabulela kwekutijabulisa lokukahle
LABANYE BANTFU BATSI: “Kute lokubi ngekwekutijabulisa lokunebudlova, kutiphatsa kabi ngekwelicansi nobe lokunekusebentisa imimoya, kuphela nje nangingatenti letintfo.”
-
Wena ungatsini?
LOKO LESICOCE NGAKO
Jehova ufuna sikhetse kwekutijabulisa lokukahle futsi sikujabulele.
Yini Loyifundzile?
-
Ngulokunjani kutijabulisa emaKhristu lokufanele akubalekele?
-
Kungani kufanele sicaphele kutsi singakanani sikhatsi lesisicitsa sitijabulisa?
-
Yini lekwenta ufune kukhetsa kwekutijabulisa lokwemukelekako kuJehova?
LOKUNYE LONGAKUHLOLA
Fundza kutsi ngubani lonelilungelo lekusikhetsela lesingatijabulisa ngako.
Fundza kutsi ungatenta njani tincumo letikahle mayelana nekutijabulisa.
“Iyazuzisa Yini Indlela Lotijabulisa Ngayo?” (Sicongosekulindza, sa-October 15, 2011)
Endzabeni letsi “Ngehlula Lubandlululo Lenganginalo Ngebelungu,” fundza kutsi kungani lendvodza yashintja loko beyitijabulisa ngako.
“LiBhayibheli Liyakugucula Kuphila” (Sicongosekulindza, saMarch 1, 2010)
Bukela indlela lomunye make lenta ngayo sincumo lesihlakaniphile mayelana nekwekutijabulisa lokukhuluma ngemimoya lemibi.
Lokunye Longatsandza Kukuhlola
IMIBUTO BANTFU LABAVAMISE KUYIBUTA
Siyini Sifundvo SeliBhayibheli Lesichutjwa BoFakazi BaJehova?
Ungasebentisa nobe ngabe nguliphi lihumusho leliBhayibheli nawutadisha naBoFakazi BaJehova. Ukhululekile kumema umndeni wakho wonkhe nobe bangani bakho kutsi babe khona nawufundza.
