Setfulo Sencenye 14
EmaKhristu angelikhulu lekucala ashumayela tindzaba letimnandzi letimayelana neMbuso ngisho nasetindzaweni letikhashane. Jesu wawatjela kutsi ashumayele kuphi futsi ngalokusimangaliso wawasita kutsi akhone kufundzisa bantfu ngetilwimi tabo. Jehova wawanika sibindzi nemandla ekubhekana nanobe ngubuphi bumatima.
Jesu wakhombisa umphostoli Johane umbono lomayelana neMbuso waNkulunkulu. Kulomunye umbono Johane wabona uMbuso wasezulwini uncoba Sathane futsi ucedza nekubusa kwakhe phakadze. Johane wabona Jesu abusa asayiNkhosi akanye nalabangu-144 000. Johane waphindze wabona wonkhe umhlaba uba lipharadisi lapho bonkhe bantfu bakhonta Jehova ngekuthula nangebunye.
LOKUKULELIKHASI
Bafundzi Banikwa Umoya Longcwele
Umoya longcwele wabapha maphi emandla?
Kute Lobekungabavimba
Baholi bankholo lebebafuna kutsi Jesu abulawe besebathulisa bafundzi bakhe. Kodvwa bebangeke.
Jesu Ukhetsa Sawula
Sawula abewenyanya emaKhristu, kodvwa loko kwashintja.
Khoneliyuse Unikwa Umoya Longcwele
Kungani Jehova atsi kuPhetro akaye endlini yemuntfu longasuye umJuda?
Bantfu Labanyenti Baba NgemaKhristu
Umphostoli Pawula naletinye titfunywa telivangeli bahamba bayoshumayela etindzaweni letikhashane.
Gadzi Wasejele Uba NgumKhristu
Kukhishwa kwemadimoni, kutamatama kwemhlaba kanye nenkemba kuhlangana njani nalendzaba?
Pawula NaThimothi
Lamadvodza lamabili asebenta ndzawonye iminyaka leminyenti.
Pawula Uyiswa ERoma
Loluhambo belungakaphephi, kodvwa kute lobekungavimba lomphostoli.
Sembulo Lesembulelwa Johane
Jesu wembulela Johane imibono lebeyikhombisa lokutawenteka esikhatsini lesitako.
“UMbuso Wakho Awute”
Sembulo saJohane sikhombisa indlela uMbuso waNkulunkulu lotakushintja ngayo kuphila emhlabeni.
