Nkulunkulu Unemabito Lamangaki?

DLALA

Lokushiwo liBhayibheli

Nkulunkulu uneligama linye kuphela. NgesiHebheru litsi יהוה kantsi ngesiSwati litsi “Jehova.” a Asebentisa umphrofethi Isaya, Nkulunkulu watsi: “NginguSimakadze [Jehova]; lelo libito lami!” (Isaya 42:8) Leligama livela tikhatsi letingetulu kwa-7 000 emiculwini yeliBhayibheli yasendvulo, futsi livela kakhulu kwendlula ticu taNkulunkulu nobe ligama lanobe ngubani umuntfu. b

Nkulunkulu Unawo Yini Lamanye Emabito?

Nanobe liBhayibheli litsi Nkulunkulu uneligama linye kuphela, lisebentisa ticu letinyenti kuze limchaze. Loluhla lolulandzelako lwaletinye ticu kanye netinchazelo lukhombisa indlela sicu ngasinye lesiveta ngayo buntfu bakhe.

Sicu	Sikhundla	Inchazelo
Alla	(None)	Leligama lelitsi “Alla,” lesi-Arabhu kodvwa akusilo ligama “laNkulunkulu.” Emahumusho eliBhayibheli esi-Arabhu naletinye tilwimi tisebentisa ligama lelitsi “Alla” esikhundleni seligama lelitsi “Nkulunkulu.”
Somandla	Genesisi 17:1	Unemandla lamakhulu. Emavi esiHebheru latsi ʼEl Shad·daiʹ, lokusho kutsi “Nkulunkulu Somandla,” avela tikhatsi letingu-7 eBhayibhelini.
Alfa na-Omega	Sembulo 1:8; 21:6; 22:13	“Wekucala newekugcina,” nobe “losicalo nesiphetfo,” lokusho kutsi kute lomunye Nkulunkulu longuSomandla ngaphandle kwaJehova futsi kute loyawuke abekhona. (Isaya 43:10) Alfa na-Omega tinhlavu tekucala telulwimi lesiGriki.
Lophila Phakadze Naphakadze	Danyela 7:9, 13, 22	Ute sicalo; abekhona kusukela kadzeni kusengakadalwa lutfo futsi uyawuhlala akhona.—Tihlabelelo 90:2.
UMdali	Isaya 40:28	Wadala tonkhe tintfo.
Babe	Matewu 6:9	UnguMniki kuphila.
Nkulunkulu	Genesisi 1:1	Nguye kuphela lokufanele akhontwe. Ligama lesiHebheru lelitsi ʼElo·himʹ lelisebunyentini, liveta kutsi Jehova uhloniphekile.
Nkulunkulu wabonkulunkulu	Dutheronomi 10:17	UnguNkulunkulu lophakeme nakacatsaniswa ‘netithico’ letikhontwa bantfu.—Isaya 2:8.
UMfundzisi Lomkhulu	Isaya 30:20, 21	Uyasifundzisa aphindze asicondzise.—Isaya 48:17, 18.
UMdali	Tihlabelelo 149:2	Wadala tonkhe tintfo.—Sembulo 4:11.
Nkulunkulu Lojabulako	1 Thimothi 1:11	Uhlala ajabulile.—Tihlabelelo 104:31.
Lolalela Imithantazo	Tihlabelelo 65:2	Ulalela yonkhe imithantazo yebantfu labenta intsandvo yakhe.
Nginguye Lenginguye	Eksodusi 3:14, King James Version	Uba ngunoma yini ledzingekako kuze agcwalise injongo yakhe. Lamavi ahunyushwe ngekutsi “Ngitawuba nguloko lengikufunako” nobe “Ngitawuba Nguloko Lengifuna Kuba Ngiko.” (The Emphasised Bible, by J. B. Rotherham; New World Translation) Lenchazelo isisita sichaze ligama laJehova lelikulelivesi lelilandzelako.—Eksodusi 3:15.
Lonesikhwele	Eksodusi 34:14, King James Version	Akakhontwa nalabanye. Lamavi ahunyushwe nangekutsi “akafuni kukhontwa nalabanye” futsi “ufuna kukhontwe yena kuphela.”—LiVi LaNkulunkulu LiBhayibheli; New World Translation.
INkhosi yaphakadze	Sembulo 15:3	Bukhosi bakhe abunasicalo abunasiphetfo.
INkhosi	Tihlabelelo 135:5	UnguMbusi; ngesiHebheru ʼA·dhohnʹ nobe ʼAdho·nimʹ.
INkhosi Yemakhosi, INkhosi Yemabutfo	Isaya 1:9, King James Version; Roma 9:29, King James Version	Umholi welibutfo lelikhulu letingilosi. Lesicu lesitsi “INkhosi Yemabutfo” singaphindze sisho “Jehova wemabutfo” nobe “INkhosi Yemabutfo Asezulwini.”—Roma 9:29, New World Translation; NET Bible
Losetikwako Konkhe	Tihlabelelo 47:2	Usesikhundleni lesisetulu kakhulu.
UNgcwele	Taga 9:10	Ungcwele (uhlanteke kuko konkhe futsi akanasici) kwendlula nobe yini lenye.
UMbumbi	Isaya 64:8	Uneligunya kubantfu nasetiveni, njengobe nje nembumbi aneligunya elubumbeni.—Roma 9:20, 21.
UMhlengi	Isaya 41:14; King James Version	Ukhulula bantfu esonweni nasekufeni ngenhlawulo yaJesu Khristu.—Johane 3:16.
Lidvwala	Tihlabelelo 18:2, 46	Usiphephelo kanye nemtfombo wensindziso.
UnguMsindzisi	Isaya 45:21	Usikhulula engotini
UMelusi	Tihlabelelo 23:1	Unakekela bantfu bakhe.
INkhosi Lephakeme	Genesisi 15:2	Uneligunya leliphakeme; ngesiHebheru ʼAdho·naiʹ.
Longetulu Kwako Konkhe	Danyela 7:18, 27	UyiNkhosi lephakeme.

Ticu TaJehova Emibhalweni YesiHebheru

Letinye ticu letiseBhayibhelini tisebentisa ligama laNkulunkulu, kodvwa atisiwo emagama aNkulunkulu.

Ticu	Sikhundla	Inchazelo
Jehova-jire	Genesisi 22:13, 14	‘Jehova uyatibonela.’
Jehova-nissi	Eksodusi 17:15	‘Jehova luphawu lwekungincobela’ (Today’s New International Version) Jehova unguNkulunkulu bantfu bakhe labangatsembela kuye kutsi abasite futsi abavikele.—Eksodusi 17:13-16.
Jehova-shalomu	Tikhulu 6:23, 24	‘Jehova Ukuthula.’
Jehova-shamma	Hezekeli 48:35, American Standard Version	‘Jehova Ulapha.’

Tizatfu tekwati libito laNkulunkulu nakulisebentisa

Nkulunkulu uyati kutsi ligama lakhe lelitsi Jehova libalulekile ngobe livela tikhatsi letinyenti eBhayibhelini.—Malakhi 1:11.
Jesu iNdvodzana yaNkulunkulu wagcizelela kubaluleka kweligama laNkulunkulu. Sibonelo saloku kutsi wathantaza kutsi Jehova watsi: “Alingcweliswe libito lakho.”—Matewu 6:9; Johane 17:6.
Labo labati libito laNkulunkulu futsi balisebentise basuke batsatsa sinyatselo sekuba nebuhlobo lobuhle naJehova. (Tihlabelelo 9:10; Malakhi 3:16) Buhlobo lobunjalo bubenta bakhone kuzuza kuloko Nkulunkulu labetsembisa kona: “Njengobe naku ubambelele kimi ngelutsandvo, ngimvikele ngobe alati libito lami.”—Tihlabelelo 91:14.
LiBhayibheli litsi: “Bakhona labo lababitwa ngekutsi ‘bonkulunkulu,’ ezulwini nobe emhlabeni, njengobe nje babanyenti ‘bonkulunkulu’ futsi amanyenti ‘nemakhosi.’” (1 Khorinte 8:5, 6) Kodvwa lisho ngalokucacile kutsi kunaNkulunkulu munye weliciniso ligama lakhe nguJehova.—Tihlabelelo 83:18.

a Letinye tati tesiHebheru tiyayitsandza lendlela letsi “Yahweh” yeligama laNkulunkulu.

b Sifishaniso seligama laNkulunkulu lelitsi, “Jah,” livela tikhatsi letingetulu kwa-50 eBhayibhelini, kuhlanganise neligama lelitsi “Haleluya,” lelisho kutsi “Dvumisani Jah!”.—Sembulo 19:1; American Standard Version; King James Version.