Ka la 20 February 2022, Bibele ya Phetolelo ya Lefatshe le Letjha ya Mangolo a Segerike ka puo ya Sekipende e ile ya lokollwa lenaneong le rekotilweng esale pele. Mora wa bo rona Nicolas Hifinger wa setho sa komiti ya lekala la Congo, o ile a lokolla kgatiso ya Bibele ena ya elektronike ho bamamedi ba ka bang 10 000. Kgatiso e hatisitsweng e tla fumaneha ho tloha ka April 2022.

Histori ya Dipaki Tsa Jehova puong ena ya Sekipende e qadile di lemong tsa bo 1960, ha kgatiso ya Molula Qhooa e ne e fuwe monna ya bitswang Makanda Madinga Henri. Ka mora ho bala sengodilweng seo, o ile a kgodiseha hore ke nnete mme a qala ho arolelana le ba bang seo a ithutileng sona. O ile a kolobetswa mme ya eba e mong wa Dipaki Tsa Jehova. Dilemo ha morao, phutheho ya pele ya puo ena ya Sekipende e ile ya thehwa sebakeng se bitswang Kiefu ka Selemo sa 1979.

Phetolelo ena ya Bibele e tla thusa bara le baradi ba bo rona ha ba ithuta boinotsing le ha ba bolella ba bang ditaba tse molemo. Mohlala, ha Mora wa bo rona Hifinger a bua ka phetolelo ena o ile a re e “nepahatse hape ho bonolo ho e utlwisisa” hape o ile a re “e kgutliseditse lebitso la Jehova dibakeng tseo le neng le fumaneha ho tsona pele.”

Re rapella hore phetolelo ena e ntjha e thuse bana ba bo rona ho “tswela pele ho beha ditholwana mosebetsing o mong le o mong o molemo le ho hola tsebong e nepahetseng ea Modimo.”​—Bakolose 1:10