Dipesaleme 145:1-21
Pina ya thoriso ya Davida.
א [Aleph]
145 Ke tla o tlotlisa Morena Modimo wa ka,+Ke tla rorisa lebitso la hao ka ho sa feleng.+
ב [Beth]
2 Ke tla o rorisa letsatsi lohle,+Ke rorise lebitso la hao ka ho sa feleng.+
ג [Gimel]
3 Jehova o moholo mme o tshwanelwa ke ho roriswa haholo.+
O moholo ka tsela eo re ke keng ra e utlwisisa.+
ד [Daleth]
4 Meloko e tla latela e tla rorisa mesebetsi ya hao.
E tla bolella ba bang ka diketso tsa hao tse matla.+
ה [He]
5 E tla bua ka botle ba bobusi ba hao bo kganyang.+
Ke tla nahanisisa ka mesebetsi ya hao e hlollang.
ו [Waw]
6 Ba tla bua ka diketso* tsa hao tse makatsang,Nna ke tla bua ka hore na o moholo hakae.
ז [Zayin]
7 Ba tla bua ba sa kgaotse ha ba hopola dintho tse ngata tse molemo tseo o di entseng+Ebile ba tla hweletsa ba thabile hobane o lokile.+
ח [Heth]
8 Jehova o na le kutlwelobohloko* ebile o mohau,+O dieha ho halefa ebile o na le lerato.+
ט [Teth]
9 Jehova o molemo ho dintho tsohle tse phelang.+
Mesebetsi yohle ya hae e bontsha hore o mohau.
י [Yod]
10 Jehova, mesebetsi yohle ya hao e tla o rorisa+Le batho ba hao ba o tshepahallang ba tla o rorisa.+
כ [Kaph]
11 Ba tla bua ka kganya ya borena ba hao,+Ba bue le ka matla a hao,+
ל [Lamed]
12 Hore ba tsebise batho diketso tsa hao tse matla+Le botle ba borena ba hao bo kganyang.+
מ [Mem]
13 Borena ba hao bo ke ke ba felaEbile o tla dula o busa le melokong yohle.+
ס [Samekh]
14 Jehova o tshehetsa bohle ba wang+Ebile o phahamisa bohle ba imetsweng.+
ע [Ayin]
15 Dintho tsohle tse phelang di tshepetse ho wena.
O di fa dijo tsa tsona ka nako ya teng.+
פ [Pe]
16 O bula letsoho la haoEbe o kgotsofatsa* dintho tsohle tse phelang.+
צ [Tsade]
17 Dintho tsohle tseo Jehova a di etsang di lokile+Ebile di a bontsha hore o a tshepahala.+
ק [Qoph]
18 Jehova o haufi le bohle ba mo bitsang,+Bohle ba mo bitsang e le ka nnete.+
ר [Resh]
19 O fa batho ba mo tshabang dintho tseo ba di lakatsang.+
O utlwa sello sa bona ha ba kopa thuso ebe o a ba pholosa.+
ש [Shin]
20 Jehova o lebela bohle ba mo ratang+Empa bohle ba kgopo o tla ba fedisa.+
ת [Taw]
21 Ke tla rorisa Jehova ka molomo wa ka.+
E se eka dintho tsohle tse phelang di ka rorisa lebitso la hae le halalelang ka ho sa feleng.+
