Dipesaleme 148:1-14
148 Rorisang Jah!*
Rorisang Jehova le le lehodimong.+
Mo roriseng le le dibakeng tse phahameng.
2 Mo roriseng, lona mangeloi ohle a hae.+
Mo roriseng, lona lebotho lohle la hae.+
3 Mo roriseng, lona letsatsi le kgwedi.
Mo roriseng, lona dinaledi tsohle tse kganyang.+
4 Mo roriseng, lona mahodimo a phahameng ka ho fetisisaLe lona maru a pula a lehodimong.
5 Dintho tsena tsohle di ke di rorise lebitso la JehovaHobane o ile a laela hore di boptjwe mme tsa eba teng.+
6 O entse hore di dule di le teng ka ho sa feleng.+
O fane ka molao o ke keng wa fellwa ke nako.+
7 Rorisang Jehova lona ba lefatsheng,Lona diphoofolo tse kgolo tsa lewatle le metsi ohle a tebileng,
8 Lona mahadima le sefako, lehlwa le maru a teteaneng,Wena sefefo se phethahatsang lentswe la hae,+
9 Lona dithaba le maralla ohle,+Lona difate tsa ditholwana le difate tsohle tsa kedare,+
10 Lona diphoofolo tse hlaha+ le diphoofolo tsohle tse ruuwang,Lona diphoofolo tse hahabang le lona dinonyana.
11 Mo roriseng, lona marena a lefatshe le ditjhaba tsohle,Lona dikgosana le baahlodi bohle ba lefatshe,+
12 Lona bahlankana le barwetsana,Lona maqheku le lona batjha.
13 Ba ke ba rorise lebitso la Jehova,Lebitso la hae ke lona feela le phahametseng mabitso a mang ohle.+
Ke yena ya hlomphehang ka ho fetisisa lefatsheng le lehodimong.+
14 O tla ekeletsa batho ba hae matlaHore batho bohle ba hae ba tshepahalang ba roriswe,E leng Baiseraele, setjhaba se haufi le yena.
Rorisang Jah!*
Dintlha tse qetellong ya sehloho
^ Kapa: “Halelujah!” “Jah” ke kgutsufatso ya lebitso Jehova.
^ Kapa: “Halelujah!” “Jah” ke kgutsufatso ya lebitso Jehova.
