Dipesaleme 57:1-11
Ho motsamaisi. E binwe ka modumo wa “O se ke wa Senya.” Pesaleme ya Davida. Miktame.* Ha a ne a baleha Saule, a kena ka lehaheng.+
57 Nkgauhele hle Modimo, nkgauhele,Ke balehela ho wena.+
Ke balehela moriting wa mapheo a hao ho fihlela mathata a feta.+
2 Ke hweletsa Modimo ya Phahameng ka ho Fetisisa,Modimo wa nnete, ya ba fedisang ka lebaka la ka.
3 O tla romela thuso a le lehodimong a be a mpholose.+
O tla ferekanya ya nkomanyang. (Selah)Modimo o tla bontsha lerato la hae le botshepehi ba hae.+
4 Ke potapotilwe ke ditau.+
Le ha ke robala, pela ka ho na le ba batlang ho nkgarola,Bao meno a bona e leng marumo le metsuLe bao maleme a bona e leng sabole e bohale.+
5 Modimo, bontsha boholo ba hao mahodimong.
E se eka kganya ya hao e ka ba lefatsheng lohle.+
6 Dira tsa ka di ntjhehetse leraba.*+Ke tshwenyehile haholo.+
Ba ntjheketse sekoti tseleng ya kaEmpa ke bona ba wetseng ka hara sona.+ (Selah)
7 Modimo, pelo ya ka e a tshepahala,+Pelo ya ka e a tshepahala.
Ke tla bina ke be ke letse mmino.
8 Tsoha, kganya ya ka.
Tsoha, wena seletsa se dikgwele le wena harepa.
Ke tla tsoha ka meso.+
9 Jehova, ke tla o rorisa hara ditjhaba,+Ke o binele dithoriso* hara ditjhaba.+
10 Lerato la hao* le leholo, le fihla hodimo mahodimong+Le botshepehi ba hao bo fihla mahodimong.
11 Modimo, bontsha boholo ba hao mahodimong.
E se eka kganya ya hao e ka ba lefatsheng lohle.+
