Dipesaleme 7:1-17
-
Jehova ke Moahlodi ya lokileng
-
“Nkahlole hle Jehova” (8)
-
Kodiyamalla* ya Davida eo a ileng a e binela Jehova ka lebaka la mantswe a Kushe wa Mobenjamine.
7 Jehova Modimo wa ka, ke balehetse ho wena.+Mpholose ho bohle ba ntlhorisang.+
2 Ho seng jwalo ba tla nkgaola dikoto jwalo ka ha tau e etsa,+Ba tsamaye ka nna ho se ya mpholosang.
3 Jehova Modimo wa ka haeba ho ena le phoso eo ke e entseng,Haeba ha ke a etsa dintho ka toka,
4 Haeba ke foseditse motho ya nketsetsang dintho tse molemo+Kapa haeba ke hapile thepa ya sera sa ka ntle ho lebaka,*
5 Sera se ke se ntelekise mme se ntshware.Se ke se hatakele bophelo ba ka fatshe,Se etse hore kganya ya ka e felle leroleng. (Selah)
6 Nthuse hle Jehova, ho bontsha hore o halefile.Hanyetsa dira tsa ka tse halefileng.+Ema, o nthuse, o laele hore dintho di etswe ka toka.+
7 Ditjhaba di ke di o potapote,O di ahlole o le sebakeng se phahameng.
8 Jehova o tla ahlola batho.+
Nkahlole hle Jehova, o bone hore na ke lokileLe hore na ke a tshepahala.+
9 Ka kopo, fedisa diketso tse mpe tsa ba kgopo.
Empa o sireletse ba lokileng+Hobane o Modimo ya lokileng,+ ya hlahlobang dipelo+ le maikutlo a ka harehare.*+
10 Modimo ke thebe ya ka,+ Mopholosi wa ba dipelo di lokileng.+
11 Modimo ke Moahlodi ya lokileng+Ebile o bolela dikahlolo tsa hae letsatsi le letsatsi.
12 Haeba motho le ha e le ofe a sa bake,+ Modimo o leotsa sabole ya hae.+O koba seqha sa hae mme o se lokisetsa ho betsa.+
13 O lokisa dibetsa tsa hae tse bolayang.
O lokisa metsu ya hae e tukang.+
14 Bonang motho ya immeng bokgopo.
O emola mathata mme o tswala leshano.+
15 O tjheka sekoti mme o etsa hore se tebeEmpa o wela ka hara sekoti sona seo a se tjhekileng.+
16 Mathata ao a a bakang a tla kgutlela ho yena,+Dintho tse sehloho tseo a di etsang di tla kgutlela ho yena.
17 Ke tla rorisa Jehova hobane o na le toka.+Ke tla binela* lebitso la Jehova+ ya Phahameng ka ho Fetisisa+ dipina tsa thoriso.
Dintlha tse qetellong ya sehloho
^ Kapa: “pina e binwang ka lebaka la ho utlwa bohloko.”
^ Kapa mohlomong: “Empa ke pholositse motho ya kgahlanong le nna ntle ho lebaka.”
^ Kapa: “ya hlahlobang dipelo le diphio.”
^ Kapa: “letsa mmino.”
