Diproverbia 1:1-33
1 Maele a Solomone+ morena wa Iseraele,+ mora wa Davida:+
2 Maele ana a ngoletswe hore motho a ithute* bohlale+ le ho mamela kgalemelo,*A utlwisise dipolelo tse tebileng,*
3 A amohele tayo+ e fanang ka kutlwisiso e tebileng,E mo thusang ho ba motho ya lokileng,+ ho kgona ho ahlola ka toka+ le ho tshepahala,*
4 A fa ba se nang boiphihlelo bohlale,+A fa mohlankana tsebo le bokgoni ba ho nahana.+
5 Motho ya bohlale o a mamela mme o tswela pele ho ithuta,+Motho ya nang le kutlwisiso o fumana tataiso e nepahetseng.*+
6 O tla utlwisisa maele le papiso,*Mantswe a batho ba bohlale le dilotho tsa bona.+
7 Mohato wa pele wa ho fumana tsebo* ke ho hlompha* Jehova.+Ke dithoto* feela tse hloileng bohlale le kgalemelo.+
8 Mora wa ka, o mamele ha ntate wa hao a o kgalemela.+O se ke wa lahla dintho tseo mme wa hao a o rutileng tsona.*+
9 Ke korone e ntle hloohong ya hao+Le sefaha se setle molaleng wa hao.+
10 Mora wa ka, haeba baetsadibe ba leka ho o hohela, o se ke wa dumela.+
11 Haeba ba re: “A re ye.
A re ba lalleng e le hore re ba bolaye.
Re tla ipata, re lalle ba hlokang molato.
12 Re tla ba kwenya ba phela feela jwalo ka Lebitla,*Re ba kwenye ba feletse jwalo ka ba theohelang ka sekoting.
13 A re nkeng matlotlo ohle a bona,Re tla tlatsa matlo a rona ka thepa eo re e hapileng.
14 Tsamaya le rona,Re tla arolelana thepa eo re e utswitseng.”*
15 Mora wa ka, o se ke wa tsamaya le bona.
O se ke wa hata mehlaleng ya bona.+
16 Maoto a bona a mathela ho etsa bobe,Ba potlakela ho tsholla madi.+
17 Ha ho na thuso ho tjhehela nonyana leraba moo e ntseng e bona.
18 Ke ka hoo baetsadibe ba lallang batho ba se nang molato hore ba ba bolaye,Ba a ipata e le hore ba ba timetse.
19 Ena ke mekgwa ya batho ba batlang maruo ka bolotsanaMme ba tla bolawa ke ona.+
20 Bohlale ba nnete+ bo hweletsa seterateng.+
Bo ntse bo phahamisa lentswe dimmarakeng.+
21 Bo hweletsa bo le diterateng tse phetheselang,Bo le dikeiting tsa motse bo re:+
22 “Lona ba se nang tsebo, le tla rata ho hloka tsebo ho fihlela neng?
Lona basomi, le tla thabela ho soma ho fihlela neng?
Lona ba se nang kelello, le tla hloya tsebo ho fihlela neng?+
23 Mamelang ha ke le kgalemela*+Mme ke tla le fa bohlale,*Ke tla le thusa ho utlwisisa mantswe a ka.+
24 La nna la hana ha ke le bitsa,Le sa tsotelle ha ke otlolla letsoho la ka,+
25 La nna la iphapanyetsa dikeletso tsa kaMme la hana kgalemelo ya ka,
26 Le nna ke tla le tsheha ha le hlahelwa ke koduwa,Ke tla le soma ha tlokotsi e tla,+
27 Ha tlokotsi e tla jwalo ka sefefo,Le koduwa ya lona e fihla jwalo ka setsokotsane,Ha le hlahelwa ke ditsietsi le mahlomola.
28 Ka nako eo ba tla nne ba mpitse empa nke ke ka araba,Ba tla mpatla ba be ba kgathale*+
29 Hobane ba ne ba hloile tsebo+Ebile ha ba a ka ba kgetha ho hlompha* Jehova.+
30 Ba hanne keletso ya ka,Ba nyefotse kgalemelo yohle ya ka.
31 Ka hoo, ba tla kotula seo ba se jetseng*+Mme ba kgore merero ya* bona
32 Hobane ba se nang boiphihlelo ba tla bolawa ke ho tswa taolong,Ba se nang kelello ba bolawe ke ho se tsotelle.
33 Empa ya mmamelang o tla dula a sireletsehile,+A ke ke a kgathatswa ke ho tshaba tlokotsi.”+
Dintlha tse qetellong ya sehloho
^ Ka Seheberu: “a tsebe.”
^ Kapa: “tayo.”
^ Kapa: “tsa bohlale.”
^ Kapa: “ho etsa se nepahetseng.”
^ Kapa: “e bohlale.”
^ Kapa: “polelo e thata.”
^ Ka Seheberu: “Motheo wa tsebo.”
^ Ka Seheberu: “ho tshaba.”
^ Ka Bibeleng, lentswe “dithoto” le bolela motho ya sa hlompheng melao ya Jehova ka boomo.
^ Kapa: “wa lahla molao wa mme wa hao.”
^ Kapa: “Re tla arolelana mokotla o le mong.”
^ Kapa: “Kgutlang ha ke le kgalemela.”
^ Ka Seheberu: “moya wa ka.”
^ Kapa: “empa ba ke ke ba mphumana.”
^ Ka Seheberu: “ho tshaba.”
^ Ka Seheberu: “ba tla ja ditholwana tsa ditsela tsa bona.”
^ Kapa: “dikeletso tsa.”
