Esaia 3:1-26
3 Morena wa nnete, Jehova wa mabotho,O amoha baahi ba Jerusalema le Juda ntho e nngwe le e nngwe,Metsi le bohobe,+
2 Monna ya matla le mohlabani,Moahlodi le moprofeta,+ senohe le moholo,
3 Molaodi wa ba 50,+ mohlomphehi le moeletsi,Setsebi sa boselamose le motho ya nang le tsebo ya ho laola dinoha.+
4 Ke tla etsa hore bashanyana e be dikgosana tsa bona,Ba buswe ke batho ba nkwang ke maikutlo.*
5 Batho ba tla hatellana,E mong a hatelle wa habo.+
Moshanyana o tla tsohela monnamoholo matlaLe motho ya kgellwang fatshe a telle ya hlomphuwang.+
6 E mong le e mong o tla tshwara ngwanabo ka tlung ya ntate wa hae mme a re:
“O na le seaparo sa ka hodimo. Eba molaodi wa rona,Busa sebaka sena se senyehileng.”
7 Empa letsatsing leo, o tla ipelaetsa a re:
“Nke ke ka ba motlamisi wa maqeba a lona.*
Ha ke na bohobe kapa diaparo ka tlung ya ka.
Le se ke la nketsa molaodi wa batho.”
8 Baahi ba Jerusalema ba kgopilwe,Baahi ba Juda ba weleHobane ba hanyetsa Jehova ka mantswe le ka diketso,Ba etsa dintho ka ho tella ka pela mahlo a Modimo ya hlomphehang.*+
9 Difahleho tsa bona di a bontsha hore ba molato.
Ka hoo, ba phatlalatsa sebe sa bona jwalo ka baahi ba Sodoma.+
Ha ba leke ho se pata.
Ba madimabe hobane ba ipakela tlokotsi.
10 Bolella batho ba lokileng hore dintho di tla ba tsamaela hantle.
Ba tla fumana moputso wa dintho tseo ba di etsang.*+
11 Ho madimabe motho ya kgopo.
O tla welwa ke tlokotsi,O tla tshwarwa ka tsela eo a tshwereng ba bang ka yona.
12 Ha e le setjhaba sa ka, bahatelli* ba a se hlekefetsa,Se buswa ke basadi.
Setjhaba sa ka, baetapele ba lona ba etsa hore le hlahlatheleEbile ba a le kgelosa.+
13 Jehova o itokisetsa ho ahlola.
O a ema hore a dihe kahlolo hodima ditjhaba.
14 Jehova o tla ahlola baholo le dikgosana tsa batho ba hae.
“Le tjhesitse serapa sa morara,Dintho tseo le di utsweditseng bafutsana di ka matlung a lona.+
15 Le se nka kae sebete sa ho hatella setjhaba sa kaLe ho hatella bafutsana?”+ ke Mmusi wa Dintho Tsohle, Jehova wa mabotho ya tjhong.
16 Jehova o re: “Ka ha baradi ba Sione ba a ikgohomosa,Ba tsamaya ba thamotse melala,Ba bonya ka mahlo a bona, ba a ikonka ha ba tsamayaHape ba llisa manyenenyene maotong,
17 Jehova o tla etsa hore basadi ba Sione ba be le dikgoo hloohong,Jehova o tla ba phumola mafatla.+
18 Ka letsatsi leo, Jehova o tla tlosa mekgabiso ya bona ya matsohong,E rwalwang hloohong le e bopehileng jwalo ka kgwedi,+
19 Masale, difaha tsa matsohong le masira,
20 Dintho tse rwalwang hloohong, difaha tsa maotong le mabanta a ho ikgabisa*Le dibotlolo tse tshelang dioli tse nkgang ha monate le dirwala,*
21 Masale a monwana le masale a nko,
22 Diaparo tse telele tse hlomphehang, diaparo tse kang mese, diaparo tsa ka hodimo le dipatjhe,
23 Diipone tsa letsoho+ le diaparo tsa line,*Dituku le masira.
24 Ho tla ba le monko wa sebodu ho ena le wa oli ya balsame,+Ho be le ropo ho ena le lebanta,Ho be le lefatla+ ho ena le moriri o lokisitsweng hantle,Ho be le seaparo se entsweng ka lesela le hwashang*+ ho ena le seaparo sa boleng bo phahameng,Ho be le letshwao* le etswang ka tshepe e tjhesang ho ena le botle.
25 Banna ba hao ba tla bolawa ka sabole,Banna ba hao ba matla ba shwelle ntweng.+
26 Batho ba dulang haufi le moo ho kenwang le teng ba tla utlwa bohloko le ho sarelwa.+
O tla dula a se na baahi mme o tla dula fatshe a hlorile.”+
Dintlha tse qetellong ya sehloho
^ Kapa: “ba sa kgoneng ho etsa qeto.”
^ Kapa: “mofodisi wa lona.”
^ Ka Seheberu: “mahlong a kganya ya hae.”
^ Ka Seheberu: “Ba tla ja ditholwana tsa mesebetsi ya bona.”
^ Kapa: “batho ba se abelang mosebetsi.”
^ Kapa: “dinyepa.”
^ Kapa: “dikgetla tse kgabisang tse hlahisang modumo.”
^ Kapa: “ka hare.”
^ E leng letshwao le neng le etswa mmeleng wa lekgoba kapa motshwaruwa.
