Esaia 43:1-28
43 Ana ke mantswe a Jehova,Mmopi wa hao, wena Jakobo le Moetsi wa hao, wena Iseraele:+
“O se ke wa tshoha hobane ke o lopolotse.+
Ke o bitsitse ka lebitso.
O wa ka.
2 Ha o tshela hara metsi, ke tla ba le wena,+Le ha o tshela dinoka, di ke ke tsa o hohola.+
Ha o tsamaya mollong, o ke ke wa tlabohaKapa hona hore lelakabe le o tlabole
3 Hobane ke nna Jehova Modimo wa hao,Mohalaledi wa Iseraele, Mopholosi wa hao.
Ke fane ka Egepeta e le topollo bakeng sa haoLe ka Ethiopia le Seba hore ke o fumane
4 Hobane o bile motho wa bohlokwa mahlong a ka,+O ile wa hlomphuwa mme ke o ratile.+
Ka hoo, ke tla fana ka batho bakeng sa hao,Le ditjhaba hore ke lopolle bophelo ba hao.
5 O se ke wa tshoha hobane ke na le wena.+
Ke tla tlisa bana* ba hao ho tswa botjhabela,Ke tla le bokella ho tswa bophirimela.+
6 Ke tla re ho leboya, ‘Fana ka bona!’+
Le ho borwa, ‘O se ke wa hana ka bona.
Tlisa bara ba ka ho tswa hole le baradi ba ka ho tswa dikgutlong tsohle tsa lefatshe,+
7 Tlisa e mong le e mong ya bitswang ka lebitso la ka+Le eo ke mo bopileng bakeng sa thoriso ya ka,Eo ke mo bopileng le eo ke mo entseng.’+
8 Tlisang batho ba foufetseng le hoja ba ena le mahloLe ba sa utlweng ditsebeng le hoja ba ena le ditsebe.+
9 Ditjhaba kaofela di ke di phuthehe sebakeng se le sengMme batho ba bokane.+
Ke mang hara tsona* ya ka bolelang dintho tsee?
Kapa na di ka etsa hore re utlwe dintho tsa pele?*+
Di ke di hlahise dipaki tsa tsona e le hore di ipake di nepileKapa di utlwe mme di re, ‘Ke nnete!’”+
10 Jehova o re: “Le dipaki tsa ka.+
E, wena o mohlanka wa ka eo ke mo kgethileng+E le hore le tle le tsebe mme le be le tumelo ho nna*Le hore le utlwisise hore ke nna ya tshwanang.+
Pele ho nna ha ho na Modimo ya ileng a etswaLe ka mora ka ha ho eso be le e mong.+
11 Nna, ke nna Jehova+ mme ha ho na mopholosi ntle ho nna.+
12 Ke nna ya senotseng, ya pholositseng le ya phatlaladitsengHa ho ne ho se na modimo osele hara lona.+
Ka hoo, le dipaki tsa ka,” ke Jehova ya tjhong “mme ke nna Modimo.+
13 Hape, ka mehla ke nna ya tshwanang,+Ha ho na motho ya ka nkang letho letsohong la ka.+
Ha ke nka kgato, ke mang ya ka nthibang?”+
14 Jehova, Molopolli wa lona,+ Mohalaledi wa Iseraele+ o re:
“Ke tla romela lebotho Babilona, ke dihe mekwallo yohle ya dikeiti molemong wa lona,+Bakalde ba tla bokolla ke mahlomola+ ba le dikepeng tsa bona.
15 Ke nna Jehova Mohalaledi wa lona,+ Mmopi wa Iseraele,+ Morena wa lona.”+
16 Ana ke mantswe a Jehova,Ya etsang tsela hara lewatleLe tsela hara metsi a lwebehlanang,+
17 Ya tlisang kariki ya ntwa le pere,+Lebotho ha mmoho le masole a matla:
“Ba tla robala mme ba ke ke ba tsoha.+
Ba tla fediswa, ba tingwe jwalo ka lebone la kgwele.
18 Le se ke la hopola dintho tsa kgaleMme le se ke la nahana ka dintho tse fetileng.
19 Ke etsa ntho e ntjha.+
Le hona jwale e a hlaha.
Na ha le e bone?
Ke tla etsa tsela lefeelleng,+Ke etse dinoka lehwatateng.+
20 Sebata sa naha se tla ntlhompha,Diphokojwe le dimpsheHobane ke fana ka metsi lefeellengHape ke fana ka dinoka lehwatateng+E le hore setjhaba sa ka, mokgethwa wa ka+ a nwe.
21 Sena ke setjhaba seo ke iketseditseng sonaE le hore se ka phatlalatsa thoriso ya ka.+
22 Empa ha o a mpitsa, wena Jakobo+Hobane o ile wa kgathala ke nna, wena Iseraele.+
23 Ha o a ntlisetsa dinku tseo o tlo nketsetsa dinyehelo tse feletseng tsa setjheso ka tsonaKapa hona ho ntlotlisa ka mahlabelo a hao.
Ha ke a o qobella hore o ntlisetse mphoKapa ka o kgathatsa ka ho o batla dibano tse tshweu.+
24 Ha o a nthekela lehlaka le nkgang ha monate ka tjhelete ya haoEbile ha o a nkgotsofatsa ka mafura a mahlabelo a hao.+
Ho ena le hoo, o nkimeditse ka dibe tsa hao,Wa nkgathatsa ka diphoso tsa hao.+
25 Nna, ke nna ya lebalang diphoso tsa hao*+ molemong wa ka.+
Nke ke ka hopola dibe tsa hao.+
26 Nkgopotse, a re qosane.
Bolela lehlakore la hao e le hore o pake hore o nepile.
27 Ntate wa hao wa pele* o entse sebe,Babuelli* ba hao ba mphetohetse.+
28 Ka hoo, ke tla silafatsa dikgosana tsa tempele,Ke tla fedisa JakoboLe Iseraele ke e nehelle mahlapa.+
Dintlha tse qetellong ya sehloho
^ Ka Seheberu: “peo.”
^ Mohlomong ho buuwa ka dintho tsa pele tseo e leng hona di tla etsahala.
^ E ka nna yaba ke medimo ya bohata.
^ Kapa: “le ntshepe.”
^ Kapa: “borabele ba hao.”
^ E leng Adama.
^ Mohlomong ho buuwa ka batho ba rutang Molao.
