Esaia 5:1-30
5 Ke tla binela moratuwa wa ka pina.
Ke pina e buang ka moratuwa wa ka le tshimo ya hae ya morara.+
Moratuwa wa ka o ne a ena le tshimo ya morara letswapong le nang le mobu o motle.
2 O ile a e lema mme a tlosa majwe ho yona,A hloma sefate se setle ka ho fetisisa sa morara o mofubedu ho yona,A haha tora hara yonaA ba a tjhekela sehatelo sa veine ho yona.+
O ne a tshepile hore sefate seo se tla hlahisa morara o monateEmpa sa hlahisa morara o mobe feela.+
3 “Jwale lona baahi ba Jerusalema le lona banna ba Juda,Ka kopo ahlolang pakeng tsa ka le tshimo ya ka ya morara.+
4 Keng hape eo nka beng ke e entse bakeng sa tshimo ya ka ya moraraEo ke sa e etsang?+
Ho tlile jwang hore e hlahise morara o mobeEmpa ke ne ke lebeletse hore e hlahise morara o monate?
5 Jwale ke kopa ho le bolellaHore na ke tla etsang ka tshimo ya ka ya morara:
Ke tla tlosa lekgwakgwa la yonaMme e tla tjheswa.+
Ke tla heletsa lerako la yonaMme e tla hatakelwa.
6 Ke tla e etsa sebaka se lahlilweng.+
E ke ke ya hlaolwa kapa difate tsa yona tsa morara tsa pongwa makala.*
E tla mela dihlahla tse meutlwa le ditlamatlama+Hape ke tla laela maru hore a se ke a e nesetsa pula.+
7 Tshimo ya morara ya Jehova wa mabotho ke ntlo ya Iseraele.+
Batho ba Juda ke sefate sa morara seo a neng a se rata.
O ne a lebeletse toka+Empa ho ne ho se na toka.
O ne a lebeletse ho lokaEmpa a utlwa seboko sa batho ba sotlwang.”+
8 Ho madimabe lona ba ikekeletsang matlo+Le lona ba ikekeletsang masimo+Ho fihlela ho se ho se letho le saletseng batho ba bang.
Le dula le le bang hara naha.
9 Ke utlwile Jehova wa mabotho a hlapanyaHore matlo a mangata e tla ba dithako,A hloke baahi+Le hoja a le maholo a bile a le matle.
10 Tshimo e kgolo* e tla ntsha dilithara tse 22* feela tsa veineLe dilithara tse 220* tsa peo di ntshe dilithara tse 22* feela.+
11 Ho madimabe ba tsohellang jwala,+Ba nwang ho fihlela ka shwalane e le hore veine e ba tahe.
12 Ba na le harepa le seletsa se dikgwele,Moropa o monyenyane, lekodilo le veine meketeng ya bona.
Empa ha ba nahane ka mosebetsi wa JehovaEbile ha ba bone mosebetsi wa matsoho a hae.
13 Batho ba ka ba tla hapuwaKa lebaka la ho hloka tsebo.+
Banna ba bona ba hlomphehang ba tla lapa+Le batho ba bona kaofela ba bolawe ke lenyora.
14 Lebitla* le ikatolositse,Le ahlamisitse molomo wa lona haholo.+
Botle ba hae,* batho ba hae ba bangata ba lerata le ba ratang menateBa tla theohela ho lona.
15 Motho o tla inama,Motho o tla kokobetswaLe baikgohomosi* ba tla kokobetswa.
16 Jehova wa mabotho o tla roriswa ka lebaka la kahlolo* ya hae.
Modimo wa nnete, Mohalaledi,+ o tla ikgalaletsa ka ho loka.+
17 Dikonyana di tla fula jwalo ka ha eka di lekgulong la tsona.
Baditjhaba ba tla ja dihlahiswa tsa dibaka tse se nang baahi, tseo ho tsona ho kileng ha eba le diphoofolo tse nonneng.
18 Ho madimabe ba hulanyang phoso ya bona ka dithapo tsa bolotsanaLe ba hulanyang sebe sa bona ka diropo tsa kariki.
19 Ba re: “Ha a ke a potlakise mosebetsi wa hae.
O ke o tle kapele e le hore re o bone.
Morero* wa Mohalaledi wa Iseraele o ke o phethahaleE le hore re o tsebe.”+
20 Ho madimabe ba reng botle ke bobe, bobe ke botle,+Ba reng lefifi ke lesedi, lesedi ke lefifi,Ba reng ntho e babang e monate mme e monate e a baba.
21 Ho madimabe ba iponang ba le bohlaleLe ba iponang ba le masene.+
22 Ho madimabe ba tummeng ka ho nwa veineLe ba tsebang ho tswaka jwala,+
23 Ba lokollang motho ya kgopo ka lebaka la tjotjo+Le ba sa sebeletseng motho ya lokileng ka toka.+
24 Feela jwalo ka ha mollo o tjhesa ditlhakaMme jwang bo ommeng bo tjheswa ke lelakabe,Metso ya bona e tla bolaLe dithunthung tsa bona di fefohe jwalo ka phofoHobane ba hana ho mamela molao* wa Jehova wa mabotho,Ba telletse lentswe la Mohalaledi wa Iseraele.+
25 Ke ka lebaka leo Jehova a halefetseng batho ba hae haholo,O tla phahamisa letsoho la hae a ba bolaye.+
Dithaba di tla tsukutleha,Ditopo tsa bona di tshwane le dithole tse seterateng.+
Ka lebaka la dintho tsena, Modimo o a tuka ke bohaleEbile o ntse a phahamisitse letsoho hore a ba otle.
26 O phahamiseditse batho ba hole haholo letshwao,*+O letseditse ba dulang dipheletsong tsa lefatshe molodi.+
Ke bao ba tla ka potlako.+
27 Ha ho le ya mong wa bona ya kgathetseng kapa ya kgoptjwang.
Ha ho ya otselang kapa ya robalang.
Mabanta a mathekeng a bona a tiileLe marapo a dieta* tsa bona ha a kgaohe.
28 Metsu ya bona kaofela e bohaleLe diqha tsohle tsa bona di kobilwe.*
Ditlhako tsa dipere tsa bona di thata jwalo ka lehakweLe mabidi a dikariki tsa bona a tshwana le moya wa sefefo.+
29 Ba rora jwalo ka tau,Ba rora jwalo ka ditau tse matla.+
Ba tla rora, ba tshware phofuBa tsamaye ka yona mme ho ke ke ha eba le motho ya e pholosang.
30 Letsatsing leo, ka mora hore ba e tshware, ba tla e rorelaKa lerata le kang la lewatle.+
Mang kapa mang ya shebang naha o tla bona lefifi le tshosang.
Le lehodimo le tla fifala ka lebaka la maru.+
Dintlha tse qetellong ya sehloho
^ Kapa: “faolwa.”
^ Kapa: “dihekthere tse nne.”
^ Ka Seheberu: “bate e le nngwe.” Sheba Ntlha ya B14.
^ Ka Seheberu: “homere e le nngwe.” Sheba Ntlha ya B14.
^ Ka Seheberu: “efa e le nngwe.” Sheba Ntlha ya B14.
^ Kapa: “bahlomphehi ba hae.”
^ Kapa: “mahlo a baikgohomosi.”
^ Kapa: “toka.”
^ Kapa: “Qeto; Keletso.”
^ Kapa: “taelo.”
^ Kapa: “palo.”
^ Ka Seheberu: “meqathatso.”
^ Kapa: “di kobilwe hore di fule metsu.”
