Esaia 53:1-12
53 Ke mang ya dumetseng ntho eo re e tlalehileng?*+
Letsoho la Jehova+ lona le bonahaditswe ho mang?+
2 Mohlanka o tla hlaha jwalo ka lehlomela+ ka pela hae,* jwalo ka motso naheng e omeletseng.
Ha a shebahale jwalo ka mohlomphehi kapa morui+Mme ha re mo sheba, ponahalo ya hae ha e re kgahle.*
3 O ile a nyefolwa mme a qojwa ke batho.+
O ile a tseba hore na ho jwang ho utlwa bohloko le hore na bokudi ke eng.
E ne eka re patetswe sefahleho sa hae.*
O ile a nyefolwa mme ra mo nka e se motho wa bohlokwa.+
4 Ka nnete o ile a jara malwetse a rona,+A jara le bohloko ba rona.+
Empa ra nka hore o a hlokofatswa, ra nka hore Modimo o a mo otla le ho mo hlorisa.
5 Empa o ile a hlajwa+ ka lebaka la ditshito tsa rona,+A hlokofatswa ka lebaka la diphoso tsa rona,+A mamella kotlo hore re be le kgotso.+
Re fodisitswe ka lebaka la maqeba a hae.+
6 Kaofela re lelerile jwalo ka dinku.+
E mong le e mong o tswile ka tsela ya haeEmpa Jehova o entse hore phoso ya rona e jarwe ke yena.+
7 O ile a hatellwa+ mme a itumella hore a hloriswe+Empa ha ho letho leo a ileng a le bua.
O ile a tliswa jwalo ka nku e tlo hlajwa+Jwalo ka nku e tshehadi e kgutsitseng ka pela bakuti ba yona,Ha ho letho leo a ileng a le bua.+
8 O ile a tloswa ka lebaka la kahlolo e se nang toka.*
Ke mang ya tla nahanisisa ka dintlha tse qaqileng tsa moloko wa hae?*
O ile a tloswa naheng ya ba phelang.+
A shapuwa* ka lebaka la phoso ya setjhaba sa ka.+
9 Le hoja a ne a sa etsa letho le phoso*Ebile ho se na bolotsana ho yena,*+O ile a fuwa lebitla* sebakeng se le seng le ba kgopo.+
Ha a shwa, a patwa le barui.*+
10 Empa e ne e le thato ya Jehova* hore a hlokofatswe mme o ile a mo tlohela hore a kule.
Haeba o tla hlahisa bophelo ba hae e le nyehelo ya molato,+O tla bona bana* ba hae, a eketse matsatsi a hae+Mme ka yena thato* ya Jehova e tla phethahala.+
11 Ka lebaka la mahlomola a hae,* o tla bona mme a kgotsofale.
Ka tsebo ya hae, mohlanka wa ka ya lokileng+O tla thusa batho ba bangata hore ba fihlele ho loka+Mme a jare diphoso tsa bona.+
12 Ka lebaka leo, ke tla mo fa kabelo hara ba bangata,O tla arolelana le ba matla thepa e hapuwengKa ha o fane ka bophelo ba hae*+Mme a balellwa hara ba tlolang molao.+
O jere dibe tsa batho ba bangata+Mme a kena dipakeng bakeng sa ba tlolang molao.+
Dintlha tse qetellong ya sehloho
^ Kapa mohlomong: “utlwileng?”
^ Kapa: “ha ho na letho ka ponahalo ya hae le re kgahlang.”
^ “Hae” e ka emela moshebelli kapa Modimo.
^ Kapa mohlomong: “E ne eka motho eo batho ba mo patelang difahleho.”
^ Kapa: “a bolawa.”
^ Kapa: “bophelo ba hae?”
^ Ka Seheberu: “kgatello le kahlolo.”
^ Kapa: “a se mabifi.”
^ Ka Seheberu: “molomong wa hae.”
^ Kapa: “Motho o tla mo fa lebitla.”
^ Ka Seheberu: “monna wa morui.”
^ Kapa: “Empa Jehova o ile a thabela.”
^ Kapa: “thabo.”
^ Ka Seheberu: “peo.”
^ Kapa: “bohloko ba moya wa hae.”
^ Ka Seheberu: “o tsholotse moya wa hae ho isa lefung.”
