Esaia 62:1-12
-
Lebitso la Sione le letjha (1-12)
62 Ka lebaka la Sione nke ke ka thola,+Ka lebaka la Jerusalema nke ke ka tsitsaHo fihlela ho loka ha hae ho kganya jwalo ka kganya e bohale+Le poloko ya hae e tuka jwalo ka serumula.+
2 “Ditjhaba di tla bona ho loka ha hao, wena Jerusalema,*+Marena ohle a bone kganya ya hao.+
O tla bitswa ka lebitso le letjha+Leo Jehova* a tla le kgetha.
3 O tla ba korone ya botle letsohong la Jehova,O be tuku ya borena letsohong la Modimo wa hao.
4 Ha o sa tla hlola o bitswa mosadi ya lahlilweng+Ebile ha ho sa tla hlola ho thwe naha ya hao ha e na baahi.+
Empa o tla bitswa Thabo ya ka e ho Yena,+Naha ya hao e bitswe Mosadi ya Nyetsweng.
Jehova o tla thabiswa ke wena,Naha ya hao e tla ba jwalo ka mosadi ya nyetsweng.
5 Feela jwalo ka ha mohlankana a nyala morwetsana,Baahi ba naha ba tla o nyala.
Modimo wa hao o tla o thabelaKa tsela eo monyadi a thabelang monyaduwa.+
6 Wena Jerusalema, ke behile balebedi marakong a hao.
Ba lokela ho dula ba kgutsitse letshehare lohle le bosiu bohle.
Lona ba buang ka Jehova,Le se ke la phomola.
7 Le se ke la kgaotsa ho mo rapela ho fihlela a tiisa Jerusalema ka thata,Ho fihlela a etsa hore batho ba mo rorise lefatsheng lohle.”+
8 Jehova o hlapantse ka letsoho la hae le letona, ka letsoho la hae le matla a re:
“Ha ke sa tla hlola ke fa dira dijo* tsa haoHape baditjhaba ba ke ke ba nwa veine ya hao e ntjha, eo o e sehletseng.+
9 Empa ba bokellang dijo ba tla di ja mme ba rorise Jehova,Ba bokellang veine ba tla e nwella mabaleng a ka a halalelang.”+
10 Tswang, tswang dikeiting.
Hlekang tsela bakeng sa batho.+
Etsang tsela, etsang tsela e kgolo.
Tlosang majwe ho yona.+
Phahamisang letshwao* bakeng sa ditjhaba.+
11 Jehova o phatlaladitse ho ya fihla dikgutlong tsa lefatshe a re:
“Ereng ho moradi wa Sione,‘Poloko ya hao e a tla.+
Moputso wa hae o ho yena.
Moputso oo a o lefang o ka pela hae.’”+
12 Ba tla bitswa setjhaba se halalelang, se lopolotsweng ke Jehova,+Wena o tla bitswa Ya Batlwang, Motse oo Modimo a sa Kang a o Lahla.+
Dintlha tse qetellong ya sehloho
^ Ka Seheberu: “mosadi.”
^ Kapa: “molomo wa Jehova.”
^ Kapa: “palo.”
