Ezekiele 41:1-26
41 O ile a nkisa sehalalelong* se ka ntle, a metha dipilara tse ka mahlakoreng. Di ne di le bophara ba dimithara tse ka bang tharo* lehlakoreng le ka nqena le dimithara tse ka bang tharo* lehlakoreng le ka nqane.
2 Monyako o ne o le bophara ba dimithara tse ka bang hlano,* mabota a ka mahlakoreng* a monyako e le dimithara tse ka bang tharo* lehlakoreng le ka nqena le dimithara tse ka hodimonyana ho tse pedi lehlakoreng le ka nqane. Ha a metha bolelele ba sona, e ne e le dimithara tse ka bang 21,* bophara ba sona e le dimithara tse ka bang leshome.*
3 O ile a kena ka hare* a metha pilara e ka lehlakoreng la monyako, bophara ba yona bo ne bo ka etsa mithara* le bophara ba monyako e le dimithara tse ka bang tharo.* Mabota a ka mahlakoreng a monyako a le* dimithara tse ka bang nne.*
4 Ka mora moo, a metha kamore e shebaneng le sehalalelo se ka ntle, e ne e le bolelele ba dimithara tse ka bang leshome* le bophara ba dimithara tse ka bang leshome.*+ Yaba o re ho nna: “Sena ke Sehalaledisiso.”+
5 Ha a metha lebota la tempele, le ne le le bophara ba dimithara tse ka bang tharo.* Dikamore tse ka thoko ho potoloha tempele di ne di le bophara ba dimithara tse ka hodimonyana ho tse pedi.*+
6 Dikamore tse ka mahlakoreng e ne e le mekato e meraro ho ya hodimo, mokato o mong le o mong o ne o ena le dikamore tse 30. Lebota la tempele le ne le entswe ka tsela ya hore dikamore tse ka mahlakoreng di be le moo di itshetlehang teng ntle le hore ho phunngwe masoba leboteng la tempele.+
7 Mahlakoreng ka bobedi a tempele ho ne ho ena le ditepisi tse nyolohang tse neng di eba sephara ebile di etsa ntho e sedikadikwe ha di ya hodimo.+ Di ne di eba sephara ha di ntse di nyoloha ho tloha mokatong o ka tlase, o mahareng ho ya ho o ka hodimo.
8 Ke ile ka bona sethala se phahameng ho potoloha tempele, metheo ya dikamore tse mahlakoreng e ne e le dimithara tse ka bang tharo* tsa thupa e methang ho ya fihla khoneng.
9 Bophara ba lebota le ka ntle la dikamore tse mahlakoreng e ne e le dimithara tse ka bang tharo.* Ho ne ho ena le sebaka se bulehileng* pela dikamore tse mahlakoreng tseo e neng e le karolo ya tempele.
10 Dipakeng tsa tempele le dikamore tsa ho jela*+ ho ne ho ena le sebaka se bophara ba dimithara tse ka bang leshome* mahlakoreng ka bobedi.
11 Sebakeng se bulehileng ho ne ho ena le menyako e mmedi e yang dikamoreng tse mahlakoreng, o mong o le ka leboya mme o mong o le ka borwa. Bophara ba sebaka seo se bulehileng kaofela e ne e le dimithara tse ka bang tharo.*
12 Mohaho o neng o le ka bophirimela o shebileng sebakeng se bulehileng, o ne o le bophara ba dimithara tse ka bang 36* le bolelele ba dimithara tse ka bang 47.* Bophara ba lebota la mohaho oo kaofela e ne e le dimithara tse ka bang tharo.*
13 Ha a metha tempele, e ne e le bolelele ba dimithara tse ka bang 52.* Sebaka se bulehileng, mohaho le mabota a wona le tsona di le bolelele ba dimithara tse ka bang 52.*
14 Bophara ba sebaka se ka pela tempele se shebileng ka botjhabela le sebaka se bulehileng, e ne e le dimithara tse ka bang 52.*
15 Ha a metha bolelele ba mohaho o neng o shebane le karolo e ka morao ya sebaka se bulehileng ha mmoho le diphaseje tsa wona tse ka mahlakoreng, e ne e le dimithara tse ka bang 52.*
A boela a metha sehalalelo se ka ntle, sehalalelo se ka hare,+ diforanta tse lebaleng,
16 menyako, difensetere tse kgolo ka hare empa ka ntle di le nyenyane+ ha mmoho le diphaseje tse neng di le dibakeng tseo tse tharo. Pela monyako, ho ne ho kentswe mapolanka+ ho tloha fatshe ho ya difensetereng. Difensetere di ne di kwahetswe.
17 Ho ile ha methwa karolo e ka hodimo ya monyako, karolo e ka hare le e ka ntle ya tempele ha mmoho le lebota lohle.
18 Ho ne ho ena le dikerubime+ le ditshwantsho tsa sefate sa palema.+ Setshwantsho sa sefate sa palema se ne se le dipakeng tsa dikerubime tse pedi mme dikerubime tseo ka bobedi di ne di ena le difahleho tse pedi.
19 Lehlakore la kerubime le neng le ena le sefahleho sa motho le ne le shebile ka sefateng sa palema, lehlakore le leng le neng le ena le sefahleho sa tau* le shebile ka lehlakoreng le leng la sefate sa palema.+ Di ne di entswe jwalo ho potoloha tempele.
20 Maboteng a sehalalelo ho tloha fatshe ho ya hodima monyako ho ne ho ena le ditshwantsho tsa dikerubime le tsa sefate sa palema.
21 Dikosene tsa monyako* wa sehalalelo di ne di ena le mahlakore a mane a lekanang.+ Ka pela sebaka se halalelang* ho ne ho ena le ntho e kang
22 aletare ya lepolanka+ e bophahamo ba mithara le halofo* le bolelele bo ka etsang mithara.* E ne e ena le dipalo dikhoneng mme ka tlase* le mahlakoreng e entswe ka lepolanka. Monna eo o ile a re ho nna: “Ena ke tafole e ka pela Jehova.”+
23 Sehalalelo se ka ntle le sebaka se halalelang ka bobedi di ne di ena le mamati a mabedi.+
24 Menyako eo ka bobedi e ne e ena le mamati a mabedi a kgonang ho bulehela ka ntle le ka hare.
25 Ho ne ho ena le ditshwantsho tsa dikerubime le tsa sefate sa palema mamating a sehalalelo, tse jwalo ka tse maboteng.+ Ho ne ho boetse ho ena le marulelo* a lepolanka ka pela foranta e ka ntle.
26 Mahlakoreng ka bobedi a foranta ho ne ho ena le difensetere tse kgolo ka hare empa ka ntle di le nyenyane+ le ditshwantsho tsa sefate sa palema, di ne di boetse di le teng dikamoreng tse mahlakoreng a tempele le marulelong a lepolanka.
Dintlha tse qetellong ya sehloho
^ Ka Seheberu: “tempele.” Kgaolong ya 41 le 42 lentswe lena le bolela sehalalelo se ka ntle kapa sehalalelo sohle (tempele le Sehalalelo ha mmoho le Sehalaledisiso).
^ Ka Seheberu: “ditswe tse tsheletseng.”
^ Ka Seheberu: “ditswe tse tsheletseng.” Ho buuwa ka ditswe tse telele. Sheba Ntlha ya B14.
^ Ka Seheberu: “ditswe tse 10.”
^ Ka Seheberu: “mahlakore.”
^ Ka Seheberu: “ditswe tse hlano.”
^ Ka Seheberu: “ditswe tse 40.”
^ Ka Seheberu: “ditswe tse 20.”
^ E leng ka sehalalelong se ka hare kapa ka Sehalaledisisong.
^ Ka Seheberu: “ditswe tse pedi.”
^ Ka Seheberu: “ditswe tse tsheletseng.”
^ Ka Seheberu: “bophara ba monyako e ne e le.”
^ Ka Seheberu: “ditswe tse supileng.”
^ Ka Seheberu: “ditswe tse 20.”
^ Ka Seheberu: “ditswe tse 20.”
^ Ka Seheberu: “ditswe tse tsheletseng.”
^ Ka Seheberu: “ditswe tse nne.”
^ Ka Seheberu: “ditswe tse tsheletseng.”
^ Ka Seheberu: “ditswe tse hlano.”
^ Ho ka etsahala e ne e le tsela e tshesaane e neng e potoloha tempele.
^ Ka Seheberu: “ditswe tse 20.”
^ Kapa: “dikamore.”
^ Ka Seheberu: “ditswe tse hlano.”
^ Ka Seheberu: “ditswe tse 70.”
^ Ka Seheberu: “ditswe tse 70.”
^ Ka Seheberu: “ditswe tse hlano.”
^ Ka Seheberu: “ditswe tse 100.”
^ Ka Seheberu: “ditswe tse 100.”
^ Ka Seheberu: “ditswe tse 100.”
^ Ka Seheberu: “ditswe tse 100.”
^ Kapa: “tawana.”
^ Ka Seheberu: “kosene ya monyako.” Ho ka etsahala hore ho buuwa ka monyako o kenang ka Sehalalelong.
^ Ho ka etsahala hore ho buuwa ka Sehalaledisiso.
^ Ka Seheberu: “ditswe tse tharo.”
^ Ka Seheberu: “ditswe tse pedi.”
^ Ka Seheberu: “bolelele.”
^ Kapa: “tente.”
