Jeremia 10:1-25
10 Utlwang mantswe ao Jehova a le boleletseng ona lona ba ntlo ya Iseraele.
2 Jehova o re:
“Le se ke la ithuta meetlo ya ditjhaba+Hape le se ke la tshoswa ke dipontsho tsa mahodimoHobane feela ditjhaba di di tshaba.+
3 Etswe meetlo ya ditjhaba ha e na thuso.
Setsebi sa mesebetsi ya matsoho se rema sefate morungEbe ka sona se etsa setshwantsho.+
4 Ba se kgabisa ka silevera le kgauta+Ebe ba se kokotela ka hamore le dipekere e le hore se se ke sa wa.+
5 Ditshwantsho tse jwalo di tshwana le setshosa se tshimong ya dikomkomere, ha di tsebe ho bua.+
Di hloka ho kakaswa hobane ha di tsebe ho tsamaya.+
Le se ke la di tshaba hobane di ke ke tsa baka kotsiKapa tsa etsa letho le molemo.”+
6 Ha ho ya tshwanang le wena Jehova.+
O moholo le lebitso la hao le leholo ebile le matla.
7 Ke mang ya sa lokelang ho o tshaba, wena Morena wa ditjhaba?+ O lokela ho tshajwa.
Hara batho bohle ba bohlale ba ditjhaba le hara mebuso yohle ya bona,Ho hang ha ho ya tshwanang le wena.+
8 Kaofela ha bona ha ba nahane mme ha ba na kelello.+
Thuto e fanwang ke ditshwantsho tse entsweng ka sefate ha e na thuso ho hang.+
9 Makapa a silevera a rekwa Tarshishe+ le kgauta e rekwa Ufaze,Di entswe ke setsebi sa mesebetsi ya matsoho le matsoho a ya sebetsang ka tshepe.
Diaparo tsa bona di entswe ka kgwele e putswa le boya bo pherese.
Kaofela di entswe ke basebetsi ba hlwahlwa.
10 Empa ka nnete Jehova ke Modimo.
Ke Modimo ya phelang+ ebile ke Morena wa bosafeleng.+
Lefatshe le tla reketla ka lebaka la kgalefo ya hae+Ebile ha ho na ditjhaba tse ka mamellang kgalefo ya hae.
11 * O lokela ho re ho ditjhaba tseo:
“Medimo e sa kang ya etsa mahodimo le lefatsheE tla timela lefatsheng le ka tlasa mahodimo ana.”+
12 Ke yena Modimo ya entseng lefatshe ka matla a hae,Ka bohlale ba hae o entse lefatshe,+O otlolotse mahodimo ka bohlale* ba hae.+
13 Lentswe la hae le etsa horeMetsi a mahodimong a lwebehlane,+O etsa hore maru* a nyolohe ho tswa dikgutlong tsa lefatshe.+
O etsa lehadima* bakeng sa pulaMme o bulela moya moo a o kwaletseng teng.*+
14 Motho e mong le e mong o etsa dintho ka ho se nahane le ka ho hloka tsebo.
Motho e mong le e mong ya sebetsang ka tshepe o tla hlajwa ke dihlong ka lebaka la setshwantsho se betlilweng,+Etswe ditshwantsho* tsa hae tse entsweng ka tshepe di a thetsaHape ha ho na moya* ho tsona.+
15 Ha di na thuso, di lokelwa ke ho songwa.+
Ha letsatsi la kahlolo le fihla, di tla timela.
16 Empa Modimo wa Jakobo ha a tshwane le tsona,Ke yena ya entseng ntho e nngwe le e nngweMme Iseraele ke lere la lefa la hae.+
Lebitso la hae ke Jehova wa mabotho.+
17 Phutha thoto ya hao fatshe,Wena mosadi* ya dulang hara mahlomola.
18 Etswe Jehova o re:
“Ke lahlela* baahi ka ntle ho naha ena,+Ke tla etsa hore ba be le mahlomola.”
19 Ke madimabe ka lebaka la ho sithabela ha ka.*+
Leqeba la ka ha le fole.
Ke itse: “Ka nnete bona ke bolwetse ba ka mme ke lokela ho bo mamella.
20 Tente ya ka e sentswe, dithapo tsa tente ya ka kaofela di kgaotswe.+
Bana ba ka ba ntshiile mme ha ba sa le yo.+
Ha ho na ya setseng ho phutholla tente ya ka kapa ho e hloma.
21 Etswe badisa ba entse dintho tse se nang kelello,+Ha ba a botsa Jehova.+
Ke ka lebaka leo ba sa kang ba eba bohlaleMme mehlape yohle ya bona e hasane.”+
22 Mamelang tlaleho.
Morusu o moholo o hlaha naheng ya leboya.+
O tlo etsa hore metse ya Juda e se ke ya eba le baahi, e be selao sa diphokojwe.*+
23 Jehova, ke tseba hantle hore motho ha a fuwa matla a ho laola tsela ya hae.
Motho ha a kgone ho laola mehato ya hae.+
24 Jehova, nkgalemele ka moo o bonang ho loketseEmpa eseng o halefile+ esere wa mphedisa.+
25 Ntshetsa bohale ba hao ho ditjhaba tse iphapanyetsang wena+Le hodima malapa a sa hlompheng lebitso la hao.
Etswe a hlasetse Jakobo,+A mo hlasetse ebile a batlile ho mo fedisa+Hape a sentse naha ya hae.+
Dintlha tse qetellong ya sehloho
^ Temana ya 11 e ne e ngotswe ka Searame.
^ Kapa: “kutlwisiso.”
^ Kapa: “matlong a polokelo.”
^ Kapa mohlomong: “mekwallo ya metsi.”
^ Kapa: “mohodi.”
^ Kapa: “diemahale.”
^ Kapa: “phefumoloho.”
^ E leng Jerusalema.
^ Kapa: “tjekeletsa.”
^ Kapa: “robeha.”
^ E leng moo diphokojwe di dulang.
