Jobo 19:1-29
19 Jobo a re:
2 “Le tla nkutlwisa bohloko+Le ho nkgoba ka mantswe ho fihlela neng?+
3 Le nkgalemetse* ka makgetlo ana a leshome,Ha le hlajwe ke dihlong hore ebe le ntshwara hampe.+
4 Haeba ka nnete ke entse phoso,Phoso ya ka ha e le ame ka letho.
5 Haeba le tswela pele ho iphahamisetsa nna,Ka hore ebe le re ho lokile ha ke hlahelwa ke dintho tsena tse bohloko,
6 Tsebang hore ke Modimo ya nkgelositseng,O ntshwasitse ka sefi seo a tsomang ka sona.
7 Ke ntse ke hweletsa ke re, ‘Ke tshwerwe hampe!’ empa ha ho na motho ya arabang.+
Ke ntse ke kopa thuso empa ha ho na toka.+
8 O kwetse tsela ya ka ka lerako le entsweng ka majwe mme ha ke kgone ho feta,O kwahetse ditsela tsa ka ka lefifi.+
9 O entse hore ke se ke ka hlomphehaMme a tlosa korone hloohong ya ka.
10 O ntlhasela ka mahlakore ohle ho fihlela ke shwa,Tshepo ya ka o e fothola jwalo ka sefate.
11 O nkgalefela ka matla,O nka hore ke sera sa hae.+
12 Masole a hae a a ikopanya ebe a a nthibella,A hloma ditente ho potoloha tente ya ka.
13 O leleketse bana beso hole le nna,Mme batho ba ntsebang ba mphetohetse.+
14 Metswalle* ya ka e ntahlile,Mme batho bao ke ba tsebang ha ba sa nkgopola.+
15 Makgoba a ka a basadi le baeti ba ka tlung ya ka+ ba nkuka ke le motho eo ba sa mo tsebeng,Ke moditjhaba mahlong a bona.
16 Ke bitsa mohlanka wa ka empa ha a arabe,Ke mo kopa hore a nqenehele.
17 Ha ke hema mosadi wa ka o a nkgelwa,+Ke se ke nkgela le bana beso hampe.*
18 Le bana ba banyenyane ba ntlhoile,Ha ba mpona* feela ba a ntshoma.
19 Metswalle ya ka kaofela e ntlhoile,+Batho bao ke neng ke ba rata ba mphetohetse.+
20 Letlalo la ka le kgomaretse masapo a ka,+Ke phonyohile lefu ka lesoba la nale.*
21 Nkgauheleng metswalle ya ka, nkgauhelengKa ha Modimo o nkotlile.*+
22 Ke hobaneng ha le ntlhorisa jwalo ka ha Modimo a ntlhorisa,+Le ntlhasela le sa tele?*+
23 Haeba feela mantswe a ka a ne a ka ngolwa fatshe,Haeba feela a ne a ka ngolwa bukeng!
24 Hoja a ne a ka ngolwa ka ho sa feleng lefikeng,Ka pene ya tshepe le ka loto!
25 Ka ha ke tseba hantle hore molopolli wa ka+ o a phela,O tla tla ha morao mme a phahamele lefatshe.*
26 Ka mora hore letlalo la ka le senyehe,Ha ke sa ntse ke phela, ke tla bona Modimo,
27 Ke tla iponela yena,Mahlo a ka a tla mo bona, eseng a motho e mong.+
Empa ka hare ho nna ke imetswe.*
28 Ka ha le re, ‘Re mo hlorisa ka tsela efe?’+
Jwalo ka ha eka bothata ke nna.
29 Le lokela ho tshaba sabole,+Ka ha ba etsang diphoso ba tla ahlolwa ka yona,E le hore le ka tseba hore ho na le moahlodi.”+
Dintlha tse qetellong ya sehloho
^ Kapa: “nthohakile.”
^ Kapa: “Ba leloko.”
^ Ka Seheberu: “bara ba popelo ya ka” e leng popelo e ntswetseng (popelo ya mme wa ka).
^ Ka Seheberu: “Ha ke tsoha.”
^ Ka Seheberu: “Ke phonyohile ka letlalo la meno a ka.”
^ Ka Seheberu: “Ka ha letsoho la Modimo le nthetsitse.”
^ Ka Seheberu: “Le sa kgotsofalle nama ya ka?”
^ Ka Seheberu: “hodima lerole.”
^ Kapa: “Diphio tsa ka di feletswe ke matla ka hare ho nna.”
