Jobo 35:1-16
35 Elihu a boela a re:
2 “Na ka nnete o dumela hore o lokile hoo o ka reng,‘Ke lokile ho feta Modimo’?+
3 O re, ‘Na o* na le taba hore ke etsa se lokileng?
Na ho ka be ho le molemo ha ke ne ke entse sebe?’+
4 Ke tla o arabaKe be ke arabe le metswalle ya hao+ e nang le wena.
5 Sheba lehodimong mme o bone,O shebe maru+ a o phahametseng.
6 Ha o etsa sebe, na o mo utlwisa bohloko?+
Ha o etsa diphoso tse ngata, na di a mo ama?+
7 Haeba o lokile, o mo fa eng,O fumana eng ho wena?+
8 Dintho tse mpe tseo o di etsang di ama batho feelaLe tse ntle tseo o di etsang di a ba ama.
9 Batho ba a lla ha ba hloriswa haholo.
Ba llela ho imollwa ho batho ba matla* ba ba hlorisang.+
10 Empa ha ho na motho ya reng, ‘O kae Modimo, Mmopi wa ka e Moholo,+Ya etsang hore ho binwe dipina bosiu?’+
11 O re ruta+ hore re be bohlale ho feta dibata+Ebile o etsa hore re be bohlale ho feta dinonyana.
12 Batho ba a lla empa ha a arabe,+Ka lebaka la boikgohomoso ba batho ba kgopo.+
13 Modimo ha a mamele batho ba etsang eka ba a lla.*+
Ya Matla Ohle ha a ba utlwe.
14 Ha a o mamele le ho feta ha o tletleba ka hore ha o mo bone.+
Nyewe ya hao e ka pela hae. Ka hoo, o lokela ho mo emela.+
15 Ha a eso o bitse a halefile hore o tlo ikarabellaHape ha a mamela mantswe a se nang thuso ao o a buileng.+
16 Jobo o phahamisa molomo mme o bua dintho tse se nang thuso.
O bua dintho tse ngata tseo a sa di tsebeng.”+
Dintlha tse qetellong ya sehloho
^ Ho ka etsahala hore o bua le Modimo.
^ Ka Seheberu: “letsohong la.”
^ Kapa: “leshano.”
