Joele 2:1-32
2 “Letsang lenaka Sione,+Hweletsang le le thabeng ya ka e halalelang,Le phatlalatse hore ho tla ba le ntwa. Baahi bohle ba lefatshe ba ke ba ferekaneHobane letsatsi la Jehova le a tla,+ le haufi.
2 Letsatsing leo, ho tla ba le lefifi le tshabehang,+Ho be maru le lefifi le letsholetsho,+Le tla hlaha jwalo ka mafube dithabeng.
Ho na le batho ba bangata ba matla,+Ha ho eso ka ho eba le ba tshwanang le bonaEbile ba ke ke ba hlola ba eba tengMolokong ofe kapa ofe.
3 Mollo o tjhesa ntho e nngwe le e nngwe e ka pela wona,Lelakabe le tjhesa tsohle tse ka morao.+
Naha e ka pela bona e jwalo ka Edene,+Ka mora bona ke dithako.
Ha ho letho le ka pholohang.
4 Ekare ke dipere,Ba ntse ba matha jwalo ka dipere tsa ntwa.+
5 Ho utlwahala modumo wa kariki e tsamayang thabeng,+Modumo o kang wa ditlhaka tse tjhang.
Ba tshwana le batho ba matla ba itokiseditseng ntwa.+
6 Batho ba tla hlonama ka lebaka la bona.
Batho bohle ba tla bonahala le mahlong hore ba tshohile.
7 Ba matha jwalo ka bahlabani,Ba hlwa lerako jwalo ka masole,E mong le e mong o a tseba hore na o lokela ho etsang,Ha ho na ya kgelohang tsela.
8 Ha ba sutumetsane,E mong le e mong o tsamaya tseleng ya hae.
Ha e mong a bolawa ke lerumo,Ba bang ha ba kgelohe tsela.
9 Ba potlakela motseng, ba matha hodima marako.
Ba hlwella matlo, ba kena ka difensetere jwalo ka mashodu.
10 Ha ba hlasela, lefatshe le a reketla, lehodimo le a thothomela,
Letsatsi le kgwedi di a fifala,+Dinaledi le tsona di a fifala.
11 Jehova o tla phahamisa lentswe ha a bua le masole a hae+ hobane lebotho la hae le leholo haholo.+
Ya phethang lentswe la hae o matla.
Letsatsi la Jehova le leholo ebile le a tshosa.+
Ke mang ya ka le mamellang?”+
12 Jehova o re: “Le sa na le nako ya ho kgutlela ho nna, le kgutlele ho nna ka dipelo tsohle,+Itimeng dijo,+ le lle, le bokolle.
13 Le bontshe hore le swabile ho tloha pelong,+ le se ke la tabola diaparo tsa lona feela,+Kgutlelang ho Jehova Modimo wa lonaHobane o na le kutlwelobohloko,* o mohau, o dieha ho halefa+ mme o lerato,*+
O tla fetola maikutlo a hae ebe ha a le tlisetse tlokotsi.
14 Ho tseba mang? Mohlomong o tla fetola qeto eo a e entseng+Ebe o a le hlohonolofatsaE le hore le ka etsetsa Jehova Modimo wa lona nyehelo ya dijo* le nyehelo ya seno.
15 Letsang lenaka Sione.
Phatlalatsang hore batho ba itime dijo, tsebisang batho hore ho na le kopano e kgethehileng.+
16 Bokellang setjhaba le se hlwekise e le hore phutheho e halalele.+
Bokellang bannabaholo,* bana le masea.+
Monyadi le monyaduwa le bona ba tswe ka kamoreng ya bona.
17 Baprista, bahlanka ba Jehova, ba lleBa le dipakeng tsa aletare le foranta+ ba re:
‘Hauhela batho ba hao Jehova.
O se ke wa dumella hore batho ba hao ba nyefolwe,Ba buswe ke ditjhaba tse ding
Esere ditjhaba tseo tsa ba soma tsa re: “O kae Modimo wa bona?”’+
18 Jehova o tla bontsha hore o rata naha ya haeEbe o hauhela batho ba hae.+
19 Jehova o tla araba batho ba hae a re:
‘Ke tla le fa dijo, veine le oli,Le tla ja le be le di shebe feela.+
Ditjhaba di ke ke tsa hlola di le nyefola.+
20 Ya hlaselang a tswa leboya ke tla mo suthisetsa hole le lona,Ke mo lelekele sebakeng se omeletseng, se se nang metsi,Ke tla mo shebisa lewatleng le ka botjhabela,*
Ke mo furallise lewatleng le ka bophirimela.*
Setopo sa hae se tla nkga,Seputa sa hae se nne se nyolohe+Hobane ke tla etsa dintho tse kgolo.’
21 Wena naha, o se ke wa tshoha,
O thabe mme o nyakalle hobane Jehova o tla etsa dintho tse kgolo.
22 Lona diphoofolo tse hlaha, le se ke la tshohaHobane naheng ho tla ba le makgulo a matala.+Le difate di tla beha,+Sefate sa feie* le sa morara di behe haholo.+
23 Bana ba Sione, thabang le nyakalle ka lebaka la dintho tseo Jehova Modimo wa lona a tla di etsa,+Ka hwetla o tla le nesetsa pula eo le e hlokang,A le nesetse pula ya ditlwebelele,A le nesetse pula ya hwetla le ya selemo jwalo ka pele.+
24 Diotlo* di tla tlala ka dijo,Dihatelo tsa veine le tsa oli di tla tsholoha.+
25 Ke tla le buseletsa dintho tsohle tseo le lahlehetsweng ke tsona dilemo tsena tsohle,Tse jeweng ke lebotho la ka le leholo la ditsie* tsa mefutafuta tseo ke neng ke di rometse ho lona.+
26 Le tla ja le kgore,+Le rorise lebitso la Jehova Modimo wa lona+Ya le etseditseng dintho tse kgolo.
Batho ba ka ba ke ke ba hlola ba nyefolwa.+
27 Le tla tseba hore ke na le Baiseraele,+Le tsebe hore ke nna Jehova Modimo wa lona+ mme ha ho e mong.
Batho ba ka ba ke ke ba hlola ba nyefolwa.
28 Ka mora moo, ke tla fa motho e mong le e mong moya o halalelang,+Bara le baradi ba lona ba tla profeta,Bannabaholo ba lona ba tla lora ditoro.
Bahlankana ba lona ba bone dipono.+
29 Ka nako eo, ke tla fana ka moya wa kaEsita le ho makgoba a ka a banna le a basadi.
30 Ke tla etsa hore ho be le mehlolo lehodimong le lefatsheng,Ho tla ba le madi, mollo le mosi.+
31 Pele letsatsi le leholo le le tshosang la Jehova le fihla,+Letsatsi le tla fifala, kgwedi e be kgubedu jwalo ka madi.+
32 E mong le e mong ya tshepetseng* lebitsong la Jehova o tla pholoha+Hobane Thabeng ya Sione le Jerusalema ho na le ba tla pholoha+ feela jwalo ka ha Jehova a boletse,Ke bao Jehova a tla ba bitsa.”
Dintlha tse qetellong ya sehloho
^ Kapa: “mosa.”
^ Kapa: “baholo.”
^ E leng Lewatle le Shweleng.
^ E leng Lewatle la Mediterranean.
^ Kapa: “feiga.”
^ Moo ho polelwang le ho olosetswa teng.
^ Mona Seheberu se bua ka mefuta e mene ya ditsie.
^ Kapa: “ipiletsang.”
