Tshenolo e yang ho Johanne 22:1-21
22 Lengeloi la mpontsha noka ya metsi a bophelo+ e hlakileng jwalo ka kristale. E ne e phalla e hlaha teroneng ya Modimo le ya Konyana+
2 e feta bohareng ba tsela e kgolo ya motse. Ka mahlakoreng a mabedi a noka ho ne ho ena le difate tsa bophelo tse hlahisang mefuta e 12 ya ditholwana kgwedi e nngwe le e nngwe. Makgasi a difate tseo a phekola ditjhaba.+
3 Ha ho sa tla hlola ho eba le bomadimabe. Terone ya Modimo le ya Konyana+ e tla ba teng motseng oo, bahlanka ba hae bona ba tla mo sebeletsa.
4 Ba tla bona sefahleho sa hae.+ Lebitso la hae le tla ngolwa diphatleng tsa bona.+
5 Hape bosiu ha bo sa tla hlola bo eba teng.+ Ba ke ke ba hloka kganya ya lebone kapa ya letsatsi. Jehova* Modimo o tla ba kgantshetsa lesedi+ mme ba tla busa e le marena ka ho sa feleng.+
6 Lengeloi la re ho nna: “Mantswe ana a a tshepahala ebile ke nnete.+ Jehova* Modimo ya buang a sebedisa baprofeta+ o ile a romela lengeloi la hae ho bontsha bahlanka ba hae dintho tse tla etsahala haufinyane.
7 Ke tla kapele.+ Mang kapa mang ya mamelang mantswe a boprofeta bo moqolong ona o tla thaba.”+
8 Nna Johanne ke utlwile dintho tsena ebile ke di bone. Ka mora hore ke di utlwe le ho di bona, ka kgumama maotong a lengeloi le neng le mpontsha tsona e le hore ke le rapele.
9 Empa la re ho nna: “Butle, o se ke wa etsa jwalo. Ke mpa feela ke le mohlanka wa Modimo jwalo ka wena le bana beno ba baprofeta le ba mamelang mantswe a moqolo ona. Rapela Modimo.”+
10 La boela la re ho nna: “O se ke wa pata boprofeta bo moqolong ona etswe nako e behilweng e haufi.
11 Ya etsang dintho tse sa lokang a nne a di etse, ya etsang boitshwaro bo nyonyehang a nne a tswele pele ka bona. Ya lokileng yena a nne a etse dintho tse lokileng mme ya halalelang a nne a halalele.
12 Modimo o re: ‘Ke tla kapele mme ke tshwere moputso oo ke tla o fa e mong le e mong ho ya ka mesebetsi ya hae.+
13 Ke nna Alfa le Omega,*+ wa pele le wa ho qetela, qalo le qetello.
14 Ho thaba ba hlatswang diaparo tsa bona tse telele+ e le hore ba ka ja ditholwana tsa difate tsa bophelo+ le ho kena motseng ka dikeiti tsa wona.+
15 Ka ntle ho motse ke batho ba itshwarang jwalo ka dintja,* ba sebedisanang le bademona, ba etsang boitshwaro bo bobe bo amanang le thobalano,* babolai, ba rapelang ditshwantsho le bohle ba tlwaetseng ho bua leshano ebile ba le rata.’+
16 Jesu o re: ‘Nna Jesu, ke ile ka roma lengeloi la ka hore le le pakele dintho tsena bakeng sa diphutheho. Ke nna motso le ngwana wa Davida+ le naledi ya meso e kganyang.’”+
17 Moya o halalelang le monyaduwa+ ba ntse ba re: “Tloo!” Mang kapa mang ya utlwang a ke a re: “Tloo!” Mang kapa mang ya nyorilweng a tle.+ Mang kapa mang ya batlang a nwe metsi a bophelo mahala.+
18 “Ke tsebisa e mong le e mong ya utlwang boprofeta bo moqolong ona hore mang kapa mang ya tla ikekeletsa ditaba tsena tse ngotsweng,+ Modimo o tla mo otla ka dikotlo tse ngotsweng moqolong ona.+
19 Mang kapa mang ya tla fokotsa boprofeta bo moqolong ona, Modimo a ke ke a mo dumella ho ja ditholwana tsa difate tsa bophelo+ le ho kena motseng o halalelang.+ Dintho tsena di ngotswe moqolong ona.
20 Ya re tsebisang dintho tsena o re: ‘Ke tla kapele.’”+
Ka re: “Amen! Tloo Morena Jesu.”
21 E se eka Morena Jesu Kreste a ka ba mosa* ho bahalaledi.
Dintlha tse qetellong ya sehloho
^ Sheba Ntlha ya A5.
^ Sheba Ntlha ya A5.
^ Kapa: “Qalo le Qetello.” Alfa ke tlhaku ya pele lethathamong la ditlhaku tsa Segerike, Omega ke tlhaku ya ho qetela.
^ E leng bao boitshwaro ba bona bo nyonyehang ka pela Modimo.
