LEBOKOSE LA 20A
Naha e a Arolwa
Tsela e hlakileng eo meedi e neng e tlo arolwa ka yona e ile ya kgodisa Bajuda ba botlamuweng hore ba ne ba tla kgutlela naheng ya habo bona. Kajeno re ka ithutang ponong ee? Nahana ka dikarolo tse pedi tsa pono ena:
Sebaka le mosebetsi wa bohlokwa
Batho bohle ba kgutlileng botlamuweng ba ne ba tla fumana lefa la naha Naheng e Tshepisitsweng. Le kajeno, bahlanka bohle ba Jehova ba na le sebaka ka mokgatlong wa hae. Ho sa tsotellehe hore na o etsa mosebetsi ofe ka mokgatlong wa Modimo, o ka kgodiseha hore Modimo o a o bona ebile o ananela mosebetsi wa hao haholo. Jehova o nka bahlanka bohle ba hae e le ba bohlokwa.
Naha e arolwa ka ho lekana
Ponong ya Ezekiele, motho e mong le e mong ya neng a tla phela Naheng e Tshepisitsweng o ne a tla fuwa sebaka se mo lekaneng. Le kajeno, Jehova o file bahlanka bohle ba hae dintho tse ba thusang ho matlafatsa tumelo ya bona le hore ba thabele ditlhohonolofatso tseo a ba fang tsona ha ba ntse ba mo sebeletsa.
