Bibele e Reng?
Na re phela “matsatsing a ho qetela”?
Wena o ka reng?
Ee
Tjhe
Mohlomong
Seo Bibele e se buang
“Matsatsing a ho qetela ho tla ba le dinako tse mahlonoko tseo ho leng thata ho sebetsana le tsona.” (2 Timothea 3:1) Boprofeta ba Bibele le dintho tse etsahalang hona jwale, di bontsha hore re phela “matsatsing a ho qetela.”
Seo re ka ithutang sona hape ka Bibeleng
Matsatsing a ho qetela ho tla ba le dintwa, ditshisinyeho tsa lefatshe, tlala, le mafu a mangata a bolayang.—Matheu 24:3, 7; Luka 21:11.
Matsatsing a ho qetela, batho ba tla ba le boitswaro bo bobe hape ba ke ke ba rata modimo.—2 Timothea 3:2-5.
Batho ba na le bokamoso bofe?
Batho ba bang ba dumela . . . hore ho tla fediswa lefatshe le batho ba dulang ho lona, ha ba bang bona ba tshepa hore dintho di tla loka. O nahana jwang ka see?
Seo Bibele e se buang
“Ba lokileng ba tla rua lefatshe, ba tla dula ho lona ka ho sa feleng.”—Pesaleme ya 37:29.
Seo re ka ithutang sona hape ka Bibeleng
Dintho tsohle tse mpe tse lefatsheng di tla fediswa.—1 Johanne 2:17.
Lefatshe le tla etswa paradeise. — Esaia 35:1, 6.
O ka Nna wa Rata le Tsena
ESSENTIAL BIBLE TEACHINGS
Ke Hobaneng ha Modimo a Bopile Lefatshe?
Lefatshe le tletse ka dintho tse ntle. Le eme sebakeng se nepahetseng ho tloha letsatsing, ebile le boemong bo nepahetseng, mme le potoloha ka lebelo le lekaneng. Ke hobaneng ha Modimo a entse matsapa a makana ho bopa lefatshe?
