Diboka ke karolo ya bohlokwa ya borapedi ba nnete. (Pes 22:22) Batho bohle ba rapelang Jehova ha mmoho ba a thaba ebile ba fumana ditlhohonolofatso. (Pes 65:4) Hangata batho ba ithutang Bibele ba bontsha tswelopele ka potlako haeba ba tla dibokeng ka mehla.

Ke jwang o ka thusang batho bao o ithutang Bibele le bona hore ba tle dibokeng? Dula o ba mema hore ba tle dibokeng. Ba bontshe video ya Ho Etsahala Eng Holong ya Mmuso? Ba bolelle melemo ya ho ya dibokeng. (lff kgaolo ya 10) O ka arolelana le bona dintlha tseo o ithutileng tsona dibokeng kapa wa ba bolella dintlha tse tla tshohlwa dibokeng tse latelang. E fa batho bao o ithutang Bibele le bona dingolwa tse tla ithutwa dibokeng. O ka boela wa ba thusa ka dintho tseo ba di hlokang. Mohlomong ba hloka thuso hore ba fihle dibokeng. Boiteko boo o bo etsang e tla ba ba bohlokwa ha motho eo o ithutang le yena a se a tla dibokeng ka lekgetlo la pele.​—1Ko 14:24, 25.

SHEBELLANG VIDEO YA THUSA MOTHO EO O ITHUTANG BIBELE LE YENA HORE A YE DIBOKENG EBE LE ARABA DIPOTSO TSE LATELANG:

• Nteboheleng o sebedisitse monyetla ofe ho mema Dipontsho ho tla dibokeng?

• Ke hobaneng ha re thaba ha motho eo re ithutang Bibele le yena a tla dibokeng?

• Ho ile ha etsahalang ha Dipontsho a qala ho tla dibokeng?