Ke hobaneng ha o lokela ho bolella batswadi ba hao ka moo o ikutlwang ka teng? (Lipr 23:26) Ke hobane Jehova o ba file boikarabelo ba hore ba o hlokomele le ho o tataisa. (Pes 127:3, 4) Ho ka ba thata hore ba o thuse ha o sa ba bolelle dintho tse o tshwenyang le tsela eo o ikutlwang ka yona. O ka fetwa ke monyetla wa ho ithuta dintho tseo bona ba ileng ba ithuta tsona bophelong. Na ho phoso ho se ba bolelle dintho tsohle? Eseng ka dinako tsohle, ha feela o etsa bonnete ba hore ha o ba thetse.​—Lipr 3:32.

O ka bua le batswadi ba hao jwang? Leka ho bua le bona ka nako e le loketseng kaofela ha lona. Haeba seo se o thatafalla o ka ngolla e mong wa bona lengolo ho mo bolella ka moo o ikutlwang ka teng. O tla etsang haeba ba batla ho bua ka ntho eo o sa thabeleng ho bua ka yona? Hopola hore ba batla ho o thusa. Nka batswadi ba hao e le metswalle ya hao eseng dira tsa hao. Boiteko ba hao ba hore o buisane le batswadi ba hao o phutholohile, bo tla o thusa bophelo bohle ba hao!​—Lipr 4:10-12.

SHEBELLANG VIDEO YA BOTJHA BA KA​—NKA BUISANA LE BATSWADI BA KA JWANG? EBE LE ARABA DIPOTSO TSE LATELANG:

• Esther le Partik ba ile ba hlokomela eng ka tsela eo ba neng ba etsa dintho ka yona?

• O ka ithutang mohlaleng wa Jesu?

• Batswadi ba hao ba bontshitse jwang hore ba a o rata?

• Ke melaomotheo efe ya Bibele e ka o thusang hore o kgone ho buisana le batswadi ba hao?