Ho na le ntho eo Bakreste ba ka ithutang yona ho se ileng sa etsahalla Baiseraele ha ba ne ba le dithoteng tsa Moabe. (1Ko 10:6, 8, 11) Basadi ba Bamoabe ba neng ba itshwere hampe ebile ba rapela ditshwantsho ba ile ba susumetsa Baiseraele bao e neng e le metswalle ya bona hore ba etse dintho tse mpe. Sena se ile sa etsa hore ho be le ditlamorao tse bohloko. (Nu 25:9) Re phela le basebetsimmoho, baithutimmoho, baahisani, ba lelapa le batho ba bang ba sa rapeleng Jehova. Re ka ithutang tlalehong ee ya Bibele mabapi le dintho tse mpe tse ka re etsahallang haeba re le metswalle ya batho ba sa rapeleng Jehova?

SHEBELLA KAROLO YA VIDEO E RENG MEHLALA E RE LEMOSANG KAJENO, EBE O ARABA DIPOTSO TSE LATELANG:

• Ke maikutlo afe a fosahetseng ao Zimri le ba bang ba neng ba na le ona ao ba ileng ba a bolella Jamine?

• Finease o ile a thusa Jamine jwang hore a be le maikutlo a nepahetseng?

• Ho na le phapang efe pakeng tsa ho tlwaelana le motho ya sa sebeletseng Jehova le ho ba motswalle wa hae?

• Ke hobaneng ha re lokela ho kgetha metswalle ka bohlale esita le ka phuthehong?

• Ke hobaneng ha re lokela ho qoba ho buisana le batho bao re sa ba tsebeng metjheng ya puisano?