Ho ka ba thata hore re dule re behile Mmuso wa Modimo le ho loka ha hae pele bophelong ba rona haeba re sokola ho fumana mosebetsi. Hape re ka ba ra amohela le mosebetsi o ka re sitisang hore re sebeletse Jehova kapa o kgahlanong le melaomotheo ya Bibele. Le ha ho le jwalo, re ka kgodiseha hore Jehova o tla sebedisa “matla a hae molemong wa bao dipelo tsa bona di feletseng ho yena.” (2Likr 16:9) Ha ho na ntho e ka sitisang Ntate wa rona ya lerato hore a re thuse le hore a re fe dintho tseo re se hlokang. (Bar 8:32) Ka hoo ha re etsa diqeto mabapi le mosebetsi, re lokela ho tshepa Jehova hape ntho ya bohlokwa bophelong ba rona e be ho mo sebeletsa.​—Pes 16:8.

SHEBELLANG VIDEO YA SEBELETSA JEHOVA KA MOYA WOHLE EBE LE ARABA DIPOTSO TSE LATELANG:

• Ke hobaneng ha Mohau a ile a hana ho nka tjotjo?

• Lengolo la Bakolose 3:23 le ka re thusa jwang?

• Mohlala o motle wa Mohau o ile wa ama Thomas jwang?

• Lengolo la Matheu 6:22 le ka re thusa jwang?