Buka ea Bobeli ea Samuele 22:1-51
22 Davida o ile a bina mantsoe a pina ena ho Jehova+ letsatsing leo Jehova a ileng a mo pholosa ho lira tsohle tsa hae+ le ho Saule.+
2 O ile a re:
“Jehova ke lefika la ka le sebaka sa ka se sireletsehileng+ ’me ke eena ea mpholosang.+
3 Molimo oa ka ke lefika la ka+ ’me ke tla balehela ho eena,Ke thebe+ ea ka le lenaka* la ka la poloko,* setšabelo sa ka se sireletsehileng,*+Sebaka seo ke balehelang ho sona,+ poloko ea ka.+ O mpholosa ntoeng.
4 Ke kopa thuso ho Jehova, ea tšoaneloang ke ho rorisoa,Ke tla pholosoa ho lira tsa ka.
5 Maqhubu a bolaeang a ile a mpota-pota.+
Batho ba khopo ba bangata joaloka metsi a moroallo ba ile ba ntšosa.+
6 Liropo tsa Lebitla* li ile tsa mpota-pota,+Lefu le ne le nchehetse leraba.+
7 Ha ke le mathateng ke ile ka bitsa Jehova,+Ka ’na ka llela ho Molimo oa ka.
O ile a utloa lentsoe la ka a le tempeleng ea hae,A nkutloa ha ke lla ke kopa thuso.+
8 Lefatše la sisinyeha la ea koana le koana.+
Metheo ea leholimo ea thothomela,+Ea ea koana le koana hobane o ne a halefisitsoe.+
9 Mosi oa tsoa linkong tsa haeLe mollo o chesang oa tsoa molomong oa hae.+
Ho ne ho tsoa mashala a hlenneng ho eena.
10 A koba maholimo ha a theoha,+Lefifi le letšo-letšo le ne le le tlas’a maoto a hae.+
11 A tla a palame kerubime,+ a tla a fofa.
O ne a bonahala holim’a mapheo a lengeloi.*+
12 Ka mor’a moo, a ikoahela ka lefifi e leng ka metsi a matšo le maru a matšo.+
A ne a mo pota-potile ka hohle joaloka tente.
13 Khanya e neng e tsoa ho eena e ile ea etsa hore mollo o tuke mashaleng a hlenneng.
14 Jehova a etsa hore ho be le sealuma leholimong.+
Ea Phahameng ka ho Fetisisa a etsa hore lentsoe la hae le utloahale.+
15 A betsa metsu+ ea hae eaba oa ba hasanya,A lahlela lehalima ’me a ba ferekanya.+
16 Likarolo tse tlase-tlase tsa leoatle tsa bonahala.+
Ha Jehova a khalemela, metheo ea lefatše ea senoleha.
E senoloa ke moea o matla o tsoang linkong tsa hae.+
17 O ile a otlolla letsoho a le holimo.
A ntšoara, a nkhula metsing a tebileng.+
18 O ile a mpholosa ho sera sa ka se matla,+Ho ba ntlhoileng, ba neng ba le matla ho mpheta.
19 Ba ile ba ntoantša ha ke e-na le mathata+Empa Jehova a ntšehetsa.
20 A ntlisa sebakeng se sireletsehileng.*+
A mpholosa hobane ke ne ke mo khahlisa.+
21 Jehova oa mputsa hobane ke lokile.+
Oa mputsa hobane ha ke na molato.*+
22 Ke mamela melao ea Jehova kamehla.
Ha kea etsa lintho tse mpe ’me ka tlohela Molimo oa ka.
23 Ke lula ke hopola melao eohle ea hae.+
Nke ke ka tlohela litaelo tsa hae.+
24 Ke tla lula ke se na molato+ ka pel’a hae.
Ke tla qoba ho etsa phoso.+
25 E se eka Jehova a ka mputsa hobane ke lokile,+Ha ke na molato ka pel’a hae.+
26 U tšepahalla motho ea tšepahalang.+
Ea se nang molato,* u mo tšoara ka toka.+
27 Ha motho a le molemo u tla mo etsetsa se molemo+Empa u sebetsana le ea bolotsana ka bohlale.+
28 U pholosa ba ikokobelitseng+Empa ha u rate ba ikhohomosang ’me oa ba kokobetsa.+
29 Jehova, u lebone la ka.+
Ke Jehova ea nkhantšetsang lefifing.+
30 Ka thuso ea hao nka hlola lebotho la masole,Ka matla a Molimo nka hloa lerako.+
31 Lintho tsohle tseo Molimo oa ’nete a li etsang li phethahetse.+
Polelo ea Jehova e hloekile.+
Ke thebe ho bohle ba balehelang ho eena.+
32 Molimo ke mang ntle ho Jehova?+
Lefika ke mang ntle ho Molimo oa rona?+
33 Molimo oa ’nete ke sebaka sa ka se sireletsehileng haholo,+O tla otlolla tsela ea ka.+
34 O etsa hore maoto a ka a be joaloka a khama,O nkemisa libakeng tse phahameng.+
35 O koetlisa matsoho a ka bakeng sa ntoa,Matsoho a ka a ka koba seqha sa koporo.
36 U mpha thebe ea hao ea poloko,Boikokobetso ba hao boa mphahamisa.+
37 U etsetsa mehato ea ka tsela e bulehileng,Maoto* a ka a ke ke a thella.+
38 Ke tla lelekisa lira tsa ka ’me ke li felise,Nke ke ka khutla ho fihlela li felisitsoe.
39 Ke tla li silakanya ’me ke li felise e le hore li se ke tsa tsoha.+
Li tla oela tlas’a maoto a ka.
40 U tla etsa hore ke be le matla bakeng sa ntoa,+U tla etsa hore lira tsa ka li oele ka tlas’a ka.+
41 U tla etsa hore lira tsa ka li mpalehe,+Ke tla felisa* ba ntlhoileng.+
42 Baa lla ba kopa thuso empa ha ho na motho ea ba pholosang,Ba llela le ho Jehova empa ha a ba arabe.+
43 Ke tla ba sila hore ba be joaloka lerole la lefatše,Ke tla ba silakanya ke ba hatakele joaloka seretse seterateng.
44 U tla mpholosa ho batho ba heso ba tšoaeang liphoso.+
U tla ntšireletsa hore ke be hlooho ea lichaba,+Batho bao ke neng ke sa ba tsebe ba tla ntšebeletsa.+
45 Balichaba ba tla ikokobetsa ka pel’a ka,+Seo ba se utloang ka ’na se tla etsa hore ba ’mamele.*
46 Balichaba ba tla nyahama.
Ba tla tsoa ba thothomela libakeng tsa bona tse sireletsehileng.
47 Jehova oa phela. Ho rorisoe Lefika la ka.+
Ho ke ho phahamisoe Molimo oa lefika la ka la poloko.+
48 Molimo oa ’nete o iphetetsa bakeng sa ka,+O etsa hore batho ba be tlas’a ka.+
49 O mpholosa ho lira tsa ka.
U mphahamisetsa holimo,+ hole le ba ntlhaselang.
U mpholosa ho motho ea ratang ho loana.+
50 Jehova, ke ka lebaka leo ke tla u leboha har’a lichaba.+
Ke tla binela lebitso la hao lipina tsa thoriso:+
51 O etsa liketso tse kholo tsa poloko bakeng sa morena oa hae.+
O bontša hore o rata* motlotsuoa oa haeE leng Davida le bana* ba hae ka ho sa feleng.”+
Linaletsana
^ Kapa: “mopholosi oa ka ea matla.”
^ Kapa: “sebaka se phahameng se sireletsehileng.”
^ Kapa: “Sheole.” Sheba Tlhaloso.
^ Ka Seheberu: “mapheo a moea.”
^ Kapa: “sebaka seo ke nang le bolokolohi ho sona.”
^ Ka Seheberu: “ke hloekile.”
^ Ka Seheberu: “monna ea matla.”
^ Kapa: “maqaqailana.”
^ Ka Seheberu: “khutsisa.”
^ Ka Seheberu: “ha litsebe li utloa, ba tla ’mamela.”
^ Kapa: “lerato le tšepahalang.” Sheba Tlhaloso.
^ Ka Seheberu: “peo.”
