Amose 8:1-14
8 Jehova ’Musi oa Lintho Tsohle o ile a mpontša pono ena: Ka bona baskete e tšetseng litholoana tsa lehlabula.
2 Eaba o re ho ’na: “U bona’ng Amose?” Ka re: “Baskete e tšetseng litholoana tsa lehlabula.” Jehova a re: “Letsatsi la hore ke otle sechaba sa ka le fihlile. Nke ke ka hlola ke se hauhela.+
3 ’Na Jehova ’Musi oa Lintho Tsohle ke re: ‘Letsatsing leo, ho e-na le hore ho binoe lipina ka tempeleng, e tla ba liboko.+ Hohle ho tla tlala litopo,+ ho thole ho re tu!’
4 Mamelang lona ba hatellang bafutsana,Lona ba thatafaletsang baikokobetsi bophelo,+
5 Le re: ‘Mokete oa khoeli* e ncha o fela neng+ re tsebe ho rekisa lijo* tsa rona?
Letsatsi la Sabatha+ le tla feta neng e le hore re rekise lijo,Re theole tekanyo ea tsonaEbe re nyolla chelete,*Re qhekelle bareki ka likala tse sa tšepahaleng?+
6 Re tla reka mofutsana ka silevera,Re mo reke ka lieta,*+Re rekise karolo e se nang thuso ea lijo.’*
7 Jehova o ikanne ka eena, ke eena eo Jakobo a ikotlang sefuba ka eena.+
O itse: ‘Nke ke ka lebala liketso tsa bona le ka mohla.+
8 Kahoo, naha eohle e tla thothomelaEbe baahi bohle baa lla.+
Naha* eohle e tla loebehlana joaloka Noka ea Nile,Ba tla loebehlana joaloka Nile ea Egepeta ha e tletse.’+
9 Jehova ’Musi oa Lintho Tsohle o re: ‘Letsatsing leo,Ke tla etsa hore letsatsi le likele har’a mpa ea motšehare,Ke etse hore naheng ho be lefifi letsatsi le ntse le chabile.+
10 Ke tla etsa hore thabo* ea lona e fetohe masoabi,+Lipina tsa lona ke li fetole koli-ea-malla.*
Kaofela ke tla le apesa lesela le hoashang,* ke le kute makoroana.
E tla ka le shoetsoe ke mora oa lona ea mong,Letsatsi leo le tla fella habohloko.’
11 Jehova ’Musi oa Lintho Tsohle o re: ‘Matsatsi aa tla ao ka ’onaKe tla otla naha ka tlala,Ha le na ho lapela bohobe kapa hona ho nyoreloa metsiEmpa e tla be e le hobane le batla ho utloa lentsoe la Jehova.+
12 Ba tla thekesela ho tloha leoatleng le leng ho ea ho le leng,Ho tloha leboea ho ea bochabela.*
Ba tla solla ba ntse ba batlana le lentsoe la Jehova empa ba ke ke ba le fumana.
13 Letsatsing leo, baroetsana ba batleLe bahlankana ba tla akheha ke lenyora.
14 Ba ikana ka melimo ea bohata ea Samaria*+ ba re:
“Ke ikana ka molimo oa hao ea phelang, uena Dane.”+
Hape ba re: “Ke ikana ka tsela e eang Beersheba.”*+
Ba tla oa ebile ba ke ke ba phahama.’”+
Linaletsana
^ Ka Seheberu: “lijo-thollo.” Sheba Tlhaloso.
^ E leng Shekele. Sheba Ntlha ea B14.
^ Kapa: “Letsatsi la khoeli.”
^ Ka Seheberu: “meqathatso.”
^ Ka Seheberu: “lijo-thollo.” Sheba Tlhaloso.
^ Kapa: “Lefatše.”
^ Kapa: “mekete.”
^ Kapa: “pina e binoang ka lebaka la ho utloa bohloko.”
^ Kapa: “bochaba-tsatsi.”
^ Ka Seheberu: “molato oa Samaria.” E leng hore ba molato ka lebaka la melimo ea litšoantšo ea Samaria.
^ Mohlomong ho buuoa ka tsela eo batho ba neng ba tsamaea ka eona ha ba e’o rapela melimo ea bohata moo.
