Baahloli 5:1-31
5 Letsatsing leo, Debora+ le Barake+ mora oa Abinoame ba ile ba bina pina ena:+
2 Rorisang Jehova!
“Ka lebaka la moriri o sa tlangoang* Iseraele,Ka lebaka la batho ba ileng ba ithaopa.+
3 Mamelang, lona marena! Mamelang lona babusi!
Ke tla binela Jehova.
Ke tla binela* Jehova Molimo oa Iseraele+ lithoriso.+
4 Jehova, ha u ne u tsoa Seire,+Ha u ne u tloha naheng ea Edomo,Lefatše le ile la thothomela ’me maholimo a tšoloha,Maru a ntša metsi.
5 Lithaba tsa qhibiliha* ka pel’a sefahleho sa Jehova+Le Sinai ka pel’a sefahleho sa Jehova+ Molimo oa Iseraele.+
6 Matsatsing a Shamgare+ mora oa Anathe,Matsatsing a Jaele,+ ho ne ho se na batho ba tsamaeang litseleng tse kholo,Batho ba ne ba tsamaea ka litsela tse ling.
7 Ho ne ho se ho se na batho ba lulang Iseraele,Ba ne ba le sieo, ho fihlela ’na Debora,+ ke ema,Ho fihlela ke ema joaloka ’mè Iseraele.+
8 Ba ile ba khetha melimo e mecha+Eaba ho ba le ntoa likeiting tsa metse.+
Ho ne ho se na thebe kapa lerumo,Har’a ba 40 000 Iseraele.
9 Ke tšehetsa balaoli ba Iseraele,+Ba ileng ba ithaopela ho tsamaea le batho.+
Rorisang Jehova!
10 Lona bapalami ba litonki tse sootho,Lona ba lulang holim’a limmete tsa boleng bo phahameng,Le lona ba tsamaeang tseleng,Nahanang ka sena:
11 Mantsoe a ba khang metsi a ne a utloahala lilibeng.
Ba ne ba bua ka liketso tse lokileng tsa Jehova moo,Liketso tse lokileng tsa batho ba hae ba lulang Iseraele.
Eaba batho ba Jehova ba theohela likeiting.
12 Tsoha, tsoha, Uena Debora!+
Tsoha, tsoha, u bine pina!+
Ema, Barake!+ U tsamaee le batlamuoa ba hao, uena mora oa Abinoame!
13 Joale ba neng ba setse ba theohela ho bahlomphehi,Batho ba Jehova ba theohela ho ’na ho tla loantša ba matla.
14 Banna ba ka khohlong* ba tsoang lelokong la Efraime,Ba u setse morao, Benjamine, har’a lichaba tsa heno.
Balaoli ba theoha ba tsoa Makire,+Banna ba neng ba bokella masole* ba tsoa lelokong la Zabulone.
15 Likhosana tsa Isakare li ne li e-na le Debora,Barake+ o ne a le joaloka Isakare.
A romeloa thoteng ka maoto.+
Leloko la Rubene le ne le sa khone ho etsa qeto.
16 Ke hobane’ng ha u ile oa lula pakeng tsa lisatlelebeke* tse peli,U ba mametse ha ba letsetsa mehlape liphala?+
Leloko la Rubene le ne le sa khone ho etsa qeto.
17 Gileade a ’na a lula ka lehlakoreng le leng la Jordane,+Ke hobane’ng ha Dane a ile a lula likepeng?+
Ashere a lula a sa etse letho lebopong la leoatle,A ’na a lula libakeng tsa hae tseo likepe li emang ho tsona.*+
18 Sechaba sa Zabulone e ne e le sechaba se ileng sa beha bophelo ba sona kotsing ho isa lefung,Sechaba sa Nefthali le sona+ se ile sa beha bophelo ba sona kotsing se le thabeng.+
19 Marena a tla, a loana,Marena a Kanana le ona a ile a loana+A le Tanake, metsing a Megido.+
Ha baa ka ba hapa leruo la silevera.+
20 Linaleli tsa loana leholimong,Tsa loantša Sisera li le litseleng tsa tsona.
21 Molapo o phoroselang* oa Kishone oa ba hohola,+Molapo o phoroselang* oa khale, molapo o phoroselang* oa Kishone.
Ke ile ka hatakela ba matla.
22 Eaba litlhako tsa lipere li tila nģa e le ’ngoeHa lipere tsa hae tsa ntoa li ntse li matha ka matla.+
23 ‘E se e ka Meroze e ka hlaheloa ke tlokotsi,’ ho boletse lengeloi la Jehova,‘Le baahi ba eona ba hlaheloe ke tlokotsiHobane ha baa ka ba thusa Jehova,Ha baa thusa Jehova ka ba matla.’
24 Mosali ea hlohonolofetseng ho feta ba bang ke Jaele,+Mosali oa Hebere+ oa Mokene,O hlohonolofalitsoe ho feta basali ba bang ba lulang litenteng.
25 O kopile metsi, a mo fa lebese.
A mo fa mafi* ka har’a sekotlolo se seholo se setle.+
26 O ile a nka tšepe ea tente,A nka hamore e boima ka letsoho le letona.
Eaba o kokotela Sisera, a mo pshatla hlooho,A mo hlaba litlhafunelo* a ba a li pshatla.+
27 A akheha pakeng tsa maoto a hae, a oa, a rapalla,A akheha pakeng tsa maoto a hae ’me a oa,A shoella moo a akhehetseng teng.
28 Mosali a sheba ka fensetere,E ne e le ’mè oa Sisera. O ne a ipotsa a re:
‘Ke hobane’ng ha kariki ea hae ea ntoa e liehile ho fihla?
Ke hobane’ng ha ke sa utloe lerata la lipere tsa hae tse mathang?’+
29 Basali ba bohlale ba hlomphehang ba mo araba,Le eena o ne a ikaraba ka makhetlo,
30 ‘E tlameha ebe ba ntse ba arolelana lintho tseo ba li hapileng,Mohlabani e mong le e mong o nka ngoanana a le mong* kapa ba babeli,*Sisera o nka masela a mebala-bala, masela a mebala-bala,Banna ba hapang lintho ba nke seaparo se khabisitsoeng, masela a mebala-bala,Liaparo tse peli tse khabisitsoeng bakeng sa melala ea bona.’
31 Kahoo, lira tsohle tsa hao li ke li felisoe,+ Jehova,Empa ba u ratang ba be joaloka letsatsi ha le hlaha ka khanya ea lona.”
Ho ile ha e-ba le khotso naheng ka lilemo tse 40.+
Linaletsana
^ Kapa: “bahlabani ba sa tlamang moriri.”
^ Kapa: “bapala liletsa tsa ’mino bakeng sa.”
^ Kapa mohlomong: “thothomela.”
^ Kapa: “phuleng.”
^ Kapa mohlomong: “ba tšoarang lisebelisoa tsa mongoli.”
^ Kapa: “mekotla e ’meli e ka mahlakoreng a tonki.”
^ Kapa: “moo ho fihleloang teng.”
^ Kapa: “nokana.”
^ Kapa: “nokana.”
^ Kapa: “nokana.”
^ Kapa: “A mo fa romo; lebese le themmeng.”
^ “Litlhafunelo” ke karolo ea hlooho e pakeng tsa phatla le tsebe.
^ Ka Seheberu: “popelo.”
^ Ka Seheberu: “lipopelo tse peli.”
