Esaia 1:1-31
1 Ena ke pono eo Esaia*+ mora oa Amoze a ileng a e bona mehleng ea Uzia,+ Jothame,+ Akaze+ le Ezekiase,+ marena a Juda ka se tla etsahalla Juda le Jerusalema:+
2 Utloang, lona ba maholimong le ba lefatšeng,+Jehova o itse:
“Ke hlokometse bana le ho ba holisa+Empa ba mphetohetse.+
3 Poho e tseba mong’a eona hantleLe tonki e tseba hantle moo mong’a eona a e fepelang tengEmpa Baiseraele ha ba ntsebe,*+Sechaba sa ka ha se na kutloisiso.”
4 Ho malimabe sechaba se nang le sebe,+Batho ba imetsoeng ke phoso,Sehlopha sa batho ba khopo, bana ba bolileng.
Ba lahlile Jehova,+Ba telletse Mohalaleli oa Iseraele.
Ba mo furaletse.
5 Le tla otloa hokae hape ha borabele ba lona bo ntse bo e-hloa mekoalaba?+
Lihlooho tsa lona lia kulaLe lipelo tsa lona lia kula.+
6 Ho tloha hloohong ho ea tsoa leotong, ha ho letho le phetseng hantle.
Hohle le tletse maqeba, matetetso le metopa.
Ha ea folisoa,* ha ea tlamisoa kapa hona ho thapisoa ka oli.+
7 Naha ea lona e senyehile,Metse ea lona e chesitsoe ka mollo.
Basele ba ja lihlahisoa tsa naha ea lona le ntse le ba shebile.+
E ripitliloe ekare e sentsoe ke lira.+
8 Morali oa Sione o siiloe joaloka lephephe serapeng sa moraraJoaloka mokhoro* tšimong ea likomkomereLe joaloka motse o thibeletsoeng.+
9 Hoja Jehova oa mabotho a se ke a re siela baphonyohi ba seng bakae,Re ka be re bile feela joaloka SodomaHape re ka be re tšoana le Gomora.+
10 Utloang lentsoe la Jehova, lona bahatelli* ba Sodoma.+
Mamelang molao* oa Molimo oa rona, lona batho ba Gomora.+
11 Jehova o re: “Mahlabelo a lona a mangata a ntsoela molemo oa eng?+
Ke khathetse ke linyehelo tsa lona tsa secheso tsa liramo+ le mafura a liphoofolo tse fepehileng hantle+Ebile ha ke khahloe ke mali+ a lipohoana,+ likonyana le lipoli.+
12 Ha le tla ka pel’a ka,+Ke mang ea le kopilengHo tla hatakela mabala a ka?+
13 Khaotsang ho tlisa linyehelo tsa lijo* tse se nang thuso.
Ke nyonya libano tsa lona.+
Le keteka likhoeli tse thoasitseng+ le lisabatha+ ebile le etsa likopano+Empa nke ke ka mamella boloi+ hammoho le phutheho ea lona e hlomphehang.
14 Ke hloile mekete ea lona ea likhoeli tse thoasitseng le mekete ea lona e meng.
Li fetohile moroalo ho ’na,Ke khathetse ke ho li mamella.
15 Ha le otlolla matsoho,Ke le patela mahlo.+
Le hoja le etsa lithapelo tse ngata,+Ha kea mamela.+
Matsoho a lona a khenathetse mali.+
16 Itlhatsoeng, itlhoekiseng,+Tlosang mesebetsi ea lona e khopo mahlong a ka.
Khaotsang ho etsa bobe.+
17 Ithuteng ho etsa lintho tse lokileng, sebetsang lintho ka toka,+Khalemelang mohatelli,Sireletsang litokelo tsa khutsana,*Le buelle mohlolohali nyeoeng.”+
18 Jehova o re: “Tloong re lokiseng litaba.+
Le hoja libe tsa lona li le khubelu,Li tla ba tšoeu joaloka lehloa.+
Le hoja li le khubelu tlere!
Li tla ba tšoeu joaloka boea.
19 Haeba le ikemiselitse ho mamela ’me le fela le mamela,Le tla ja lintho tse monate tsa naha.+
20 Empa haeba le hana ’me le mphetohela,Le tla jeoa ke sabole+Etsoe Jehova o cho joalo ka molomo oa hae.”
21 Motse o tšepahalang+ o fetohile mosali oa letekatse.+
O ne a tletse toka.+
Ho loka ho ne ho lula ho eena+Empa hona joale ho lula babolai.+
22 Silevera ea hao e fetohile manya.*+
Joala* ba hao bo hlapolotsoe ka metsi.
23 Babusi ba hao ba manganga ’me ke metsoalle ea masholu.+
Kaofela ha bona ba rata tjotjo ebile ba lelekisa limpho.+
Ha ba ahlolele likhutsana* ka toka.
Le nyeoe ea mohlolohali ha e fihle ho bona.+
24 Ka hona Morena oa ’nete, Jehova oa mabotho,Ea Matla oa Iseraele o re:
“Ho lekane! Ke tla itokolla ho bahanyetsi ba kaKe be ke iphetetse ho lira tsa ka.+
25 Ke tla u tlisetsa kotlo,Ke u qhibilihise ke u tlose manya kaofela,Ke tla tlosa litšila tsa hao kaofela.+
26 Ke tla u fa baahloli hape,Ke u fe le baeletsi joaloka qalong.+
Joale u tla bitsoa Motse oa ho Loka, Motse o Tšepahalang.+
27 Sione o tla lopolloa ka toka+Le batho ba hae ba khutlang, ba lopolloe ka ho loka.
28 Marabele le baetsalibe ba tla bolaoa,+Ba furallang Jehova ba tla fela.+
29 Ba tla hlajoa ke lihlong ka lebaka la lifate tse kholo tseo u li ratang+’Me u tla soaba ka lebaka la lirapa* tseo u li khethileng.+
30 U tla ba joaloka sefate se seholo seo makhasi a sona a ponang+Le joaloka serapa se se nang metsi.
31 Monna ea matla o tla fetoha thapo,*Mosebetsi oa hae e be tlhase.
Ka bobeli ba tla cha ’moho,Ho se na ea ba timang.”
Linaletsana
^ E bolelang “Jehova oa Pholosa.”
^ Kapa: “ha ba tsebe mong’a bona.”
^ Ka Seheberu: “Ha ea pepetoa.”
^ Ke ntlo e ruletsoeng ka joang.
^ Kapa: “babusi.”
^ Kapa: “litaelo.”
^ Ka Seheberu: “lijo-thollo.” Sheba Tlhaloso.
^ Kapa: “ngoana ea se nang ntate.”
^ E leng litšila tse salang ha motho a qhibilihisa lintho tse kang tšepe, silevera le khauta.
^ Kapa: “Joala ba koro bo ritetsoeng.”
^ Kapa: “bana ba se nang bo-ntate.”
^ Ho bonahala lifate le lirapa li ne li tsamaisana le borapeli ba litšoantšo.
^ Thapo e chang habonolo.
