Esaia 17:1-14
17 Phatlalatso e tobisitsoeng ho Damaseka:+
“Damaseka ha e sa tla ba motse,E tla fetoha qubu ea majoe.+
2 Metse ea Aroere+ e tla siuoa ke baahi ba eona.
E tla ba libaka tseo mehlape e bothang ho tsona’Me ha ho na motho ea tla e tšosa.
3 Metse e etselitsoeng qhobosheane e tla felisoa Efraime+Le puso e tla felisoa Damaseka.+
Batho ba Siria ba setsengBa tla ba matla joaloka Baiseraele,”* ke Jehova oa mabotho ea chong.
4 “Letsatsing leo khanya ea Jakobo e tla fokotsehaEsita le ’mele oa hae o phetseng hantle* o tla ota.
5 Ho tla tšoana le ha mokotuli a bokella koro* e ntseng e le mahlakengLe letsoho la hae le kotula liqoapi tsa koroJoalokaha motho a thonaka koro Khohlong* ea Barefaime.+
6 Ho eona ho tla sala se thonakiloeng feelaJoalokaha sefate sa mohloaare se hlohloroa:
Lekaleng le ka holimo-limo ho sale mehloaare e ’meli kapa e meraro feela e butsoitseng,Ho sale e mene kapa e mehlano makaleng a sona a behang litholoana,”+ ke Jehova Molimo oa Iseraele ea chong.
7 Letsatsing leo, motho o tla sheba Moetsi oa hae ’me mahlo a hae a shebe Mohalaleli oa Iseraele.
8 A ke ke a sheba lialetare+ e leng mosebetsi oa matsoho a hae+ ’me a ke ke a sheba lintho tseo menoana ea hae e li entseng ebang ke lipalo tse halalelang* kapa liluloana tsa libano.
9 Letsatsing leo, metse ea hae ea qhobosheane e tla ba joaloka sebaka se sa luloeng, se morung,+E tla tšoana le lekala le tlohetsoeng ka lebaka la Baiseraele.
E tla lula e se na baahi.
10 U lebetse Molimo,+ mopholosi oa hao.
U hlolehile ho hopola Lefika+ la qhobosheane ea hao.
Ke ka lebaka leo u lemang masimo a matle,*U hlomang lehlomela la motho osele* ho ’ona.
11 Motšehare u kampela masimo a hao ka hloko,Hoseng u lokisetsa hore peo ea hao e meleEmpa koro e tla nyamela letsatsing la mafu le la bohloko bo sa phekoleheng.+
12 Utloang! Ho na le moferefere oa lichaba tse ngata,Tse morusu joaloka maoatle!
Ho na le lerata la lichaba,Molumo oa tsona o tšoana le oa metsi a matla!
13 Lichaba li tla etsa molumo o tšoanang le oa metsi a mangata.
Molimo o tla li khalemela ka matla ’me li tla balehela hole,Li lelekisoe joalokaha ’moko o lithabeng o fefoloa ke moeaLe joaloka hlabahlabane e fefoloang ke moea oa sefefo.
14 Ka shoalane, ho na le tlokotsi.
Pele e e-ba hoseng lichaba tseo ha li sa le eo.
Ena ke kabelo ea ba re nkelang thepa ka mahahapaLe karolo ea ba re tlatlapang.
Linaletsana
^ Ka Seheberu: “bara ba Iseraele.”
^ Ka Seheberu: “mafura a nama ea hae.”
^ Kapa: “Phuleng.”
^ Ka Seheberu: “lijo-thollo.” Sheba Tlhaloso.
^ Kapa: “a khahlehang.”
^ Kapa: “molimo osele.”
