Esaia 53:1-12
53 Ke mang ea lumetseng ntho eo re e tlalehileng?*+
Letsoho la Jehova+ lona le bonahalitsoe ho mang?+
2 Mohlanka o tla hlaha joaloka lehlomela+ ka pel’a hae,* joaloka motso naheng e omeletseng.
Ha a shebahale joaloka mohlomphehi kapa morui+’Me ha re mo sheba, ponahalo ea hae ha e re khahle.*
3 O ile a nyefoloa ’me a qojoa ke batho.+
O ile a tseba hore na ho joang ho utloa bohloko le hore na bokuli ke eng.
E ne eka re patetsoe sefahleho sa hae.*
O ile a nyefoloa ’me ra mo nka e se motho oa bohlokoa.+
4 Kannete o ile a jara maloetse a rona,+A jara le bohloko ba rona.+
Empa ra nka hore oa hlokofatsoa, ra nka hore Molimo oa mo otla le ho mo hlorisa.
5 Empa o ile a hlajoa+ ka lebaka la litšito tsa rona,+A hlokofatsoa ka lebaka la liphoso tsa rona,+A mamella kotlo hore re be le khotso.+
Re folisitsoe ka lebaka la maqeba a hae.+
6 Kaofela re lelerile joaloka linku.+
E mong le e mong o tsoile ka tsela ea haeEmpa Jehova o entse hore phoso ea rona e jaroe ke eena.+
7 O ile a hatelloa+ ’me a itumella hore a hlorisoe+Empa ha ho letho leo a ileng a le bua.
O ile a tlisoa joaloka nku e tl’o hlajoa+Joaloka nku e tšehali e khutsitseng ka pel’a bakuti ba eona,Ha ho letho leo a ileng a le bua.+
8 O ile a tlosoa ka lebaka la kahlolo e se nang toka.*
Ke mang ea tla nahanisisa ka lintlha tse qaqileng tsa moloko oa hae?*
O ile a tlosoa naheng ea ba phelang.+
A shapuoa* ka lebaka la phoso ea sechaba sa ka.+
9 Le hoja a ne a sa etsa letho le phoso*Ebile ho se na bolotsana ho eena,*+O ile a fuoa lebitla* sebakeng se le seng le ba khopo.+
Ha a shoa, a patoa le barui.*+
10 Empa e ne e le thato ea Jehova* hore a hlokofatsoe ’me o ile a mo tlohela hore a kule.
Haeba u tla hlahisa bophelo ba hae e le nyehelo ea molato,+O tla bona bana* ba hae, a eketse matsatsi a hae+’Me ka eena thato* ea Jehova e tla phethahala.+
11 Ka lebaka la mahlomola a hae,* o tla bona ’me a khotsofale.
Ka tsebo ea hae, mohlanka oa ka ea lokileng+O tla thusa batho ba bangata hore ba fihlele ho loka+’Me a jare liphoso tsa bona.+
12 Ka lebaka leo, ke tla mo fa kabelo har’a ba bangata,O tla arolelana le ba matla thepa e hapuoengKaha o fane ka bophelo ba hae*+’Me a balelloa har’a ba tlolang molao.+
O jere libe tsa batho ba bangata+’Me a kena lipakeng bakeng sa ba tlolang molao.+
Linaletsana
^ Kapa mohlomong: “utloileng?”
^ Kapa: “ha ho na letho ka ponahalo ea hae le re khahlang.”
^ “Hae” e ka emela moshebelli kapa Molimo.
^ Kapa mohlomong: “E ne eka motho eo batho ba mo patelang lifahleho.”
^ Kapa: “a bolaoa.”
^ Kapa: “bophelo ba hae?”
^ Ka Seheberu: “khatello le kahlolo.”
^ Kapa: “a se mabifi.”
^ Ka Seheberu: “molomong oa hae.”
^ Kapa: “Motho o tla mo fa lebitla.”
^ Ka Seheberu: “monna oa morui.”
^ Kapa: “Empa Jehova o ile a thabela.”
^ Kapa: “thabo.”
^ Ka Seheberu: “peo.”
^ Kapa: “bohloko ba moea oa hae.”
^ Ka Seheberu: “o tšolotse moea oa hae ho isa lefung.”
