Ezekiele 28:1-26
28 Jehova a boela a bua le ’na a re:
2 “Mor’a motho, bolella moeta-pele oa Tire hore Jehova ’Musi oa Lintho Tsohle o re:
‘Boikhohomoso ba hao+ bo etsa hore u ’ne u re, “Ke molimo.
Ke lula teroneng ea molimo bohareng ba leoatle.”+
Empa ha u molimo, u mothoLe hoja ka pelong ea hao u inka u le molimo.
3 U nahana hore u bohlale ho feta Daniele+Ebile u nahana hore u tseba makunutu kaofela.
4 U bile morui ka lebaka la temoho le bohlale ba haoHape u ntse u ipokellela khauta le silevera matlotlong a hao.+
5 Bokhoni ba hao ba ho etsa khoebo bo entse hore u rue haholo,+U ne u ikhohomosa hobane u le morui.’”
6 Jehova ’Musi oa Lintho Tsohle o re:
“Kaha u nahana hore u molimo,
7 Ke tla etsa hore balichaba ba tsoang lichabeng tse sehloho ka ho fetisisa ba u hlasele,+Ba tla sebelisa lisabole ba senye lintho tsohle tseo u li fumaneng ka lebaka la bohlale ba haoBa be ba senye botle ba hao.+
8 Ba tla u theolela lebitlengEbile u tla shoa habohloko har’a leoatle.+
9 Na u tla ’ne u re, ‘Ke molimo’ ho motho ea u bolaeang?
Ho batho ba u silafatsang, u tla ba motho feela eseng molimo.”
10 Jehova ’Musi oa Lintho Tsohle o re: “Balichaba ba tla u bolaea joaloka motho ea sa bollang,Ke ’na ea chong joalo.”
11 Jehova a bua le ’na hape a re:
12 “Mor’a motho, binela morena oa Tire koli-ea-malla* u re: ‘Jehova ’Musi oa Lintho Tsohle o re:
“U ne u phethahetse haholo,U le bohlale+ ebile u le motle haholo.+
13 U ne u le Edene serapeng sa Molimo.
U ne u khabisitsoe ka majoe ’ohle a bohlokoaE leng rubi, topaze, jaspere, krisolite, onikse, jade, safire, thekoise+ le emeralde.
Majoe ao a ne a lutse har’a khauta.
Ke a entse ka letsatsi leo u bopiloeng ka lona.
14 Ke u khethile ka ba ka u tlotsa hore u be kerubime e sireletsang.
U ne u le thabeng e halalelang ea Molimo+ ebile u tsamaea holim’a majoe a tukang.
15 Ho tloha letsatsing leo u bopiloeng ka lona u ne u se na molato,Ho fihlela u qala ho etsa lintho tse sa lokang.+
16 Kaha u ne u e-na le likhoebo tse ngata,+U ile oa rata ntoa eaba u etsa sebe.+
Ka lebaka leo, ke tla u tlosa thabeng ea Molimo ke be ke u felise joaloka ntho e litšila,+Ke u tlose le majoeng a tukang, uena lengeloi le sireletsang.
17 U ile oa ikhohomosa hobane u le motle.+
Khanya ea hao e sentse le bohlale boo u neng u e-na le bona.+
Ke tla u lahlela lefatšeng.+
Ke u etse sebonoang ka pel’a marena.
18 U silafalitse libaka tsa hao tse halalelang ka liphoso tsa hao tse ngata le ka ho etsa likhoebo tse sa tšepahaleng.
Ke tla romela mollo ho uena hore o u chese,+Ke u etse molora lefatšeng ka pel’a batho bohle ba u bonang.
19 Batho bohle ba u tsebang ba tla u makalla.+
U tla felisoa ka sehloho ka ho panya ha leihloEbile u ke ke oa hlola u e-ba teng.”’”+
20 Jehova a bua le ’na hape a re:
21 “Mor’a motho, profetela Sidone+ molaetsa oa kahlolo.
22 U mo bolelle hore Jehova ’Musi oa Lintho Tsohle o re:
‘Ke tla u ahlola uena Sidone ke be ke halaletsoe ka lebaka la seo ke tla u etsa sona.
Batho ba tla tseba hore ke ’na Jehova ha ke u ahlola ebile ke halaletsoa ka lebaka la hao.
23 Ke tla u tlisetsa mafu a bolaeang, literata tsa hao li tla tlala mali.
Ke tla bolaea batho ba bangata motseng oa hao ka sabole e tsoang mahlakoreng ’ohle.
Ba tla tseba hore ke ’na Jehova.+
24 Baiseraele ha ba sa tla hlola ba songoa ke lichaba tse ba potolohileng, tse ba utloisang bohloko ka meutloa e kang lihlabahlabane.+ Batho ba tla tseba hore ke ’na Jehova ’Musi oa Lintho Tsohle.
25 Jehova ’Musi oa Lintho Tsohle o re: “Ke tla halaletsoa har’a Baiseraele ka pel’a lichaba+ ha ke ba bokella hape ho tsoa lichabeng tseo ba neng ba hasantsoe ho tsona.+ Ba tla lula naheng ea bona+ eo ke e fileng mohlanka oa ka Jakobo.+
26 Ba tla lula ba sireletsehile ho eona,+ ba hahe matlo ba be ba leme lirapa tsa morara.+ Ba tla phela ka khotso ha ke ahlola lichaba tse ba potolohileng tse ba somang.+ Ba tla tseba hore ke ’na Jehova Molimo oa bona.”’”
Linaletsana
^ Kapa: “pina e binoang ka lebaka la ho utloa bohloko.”
