Hosea 2:1-23
2 “E-reng ho bana ba bo lona, ‘Le sechaba sa ka.’*+
Le re ho likhaitseli tsa lona, ‘Le basali ba hauhetsoeng.’*+
2 Qosang ’mè oa lona. Le mo qoseHobane ha se mosali oa ka+ ebile ha ke monna oa hae.
O lokela ho tlohela botekatse,*A tlohele le ho etsa bofebe,
3 Ho seng joalo ke tla mo hlobolisa hore a be joaloka mohla a neng a tsoaloa.
Ke etse hore a be joaloka lehoatata,A be joaloka naha e se nang metsiLe hore a bolaoe ke lenyora.
4 Nke ke ka qenehela bana ba haeHobane o ba fumane ka lebaka la botekatse.*
5 ’Mè oa bona o entse botekatse.+Ea neng a ba imme o entse ntho e hlabisang lihlong+ hobane o itse,‘Ke tla sala bao ke ratanang le bona morao,+Ba mphang lijo le metsi,Liaparo tsa ulu le tsa line, oli le veine.’*
6 Ke tla thiba tsela ea hae ka sehlahla se meutloa.
Ke tla haha lebota la majoe hore le mo thibeE le hore a se ke a bona tsela.
7 O tla lelekisa bao a ratanang le bona empa a ke ke a ba tšoara.+
O tla ba batla empa a ke ke a ba fumana.
Kahoo o tla re, ‘Ke tla khutlela ho monna oa ka oa pele+Hobane lintho li ne li ntsamaela hantle ka nako eo ho feta hona joale.’+
8 O ne a sa hlokomele hore ke ’na ea mo fileng koro,+ veine e ncha le oliLe hore ke ’na ea mo fileng silevera e ngataLe khauta eo ba ileng ba e sebelisetsa ho rapela Baale.+
9 ‘Ka lebaka leo, ke tla mo nkela koro ea ka e butsoitsengLe veine ea ka e ncha ka nako ea eona+Ebile ke tla phamola liaparo tsa ka tsa ulu le tsa line tseo a neng a li apara.
10 Ke tla mo hlobolisa ka pel’a bao a ratanang le bona.
Ha ho na monna ea tla mo pholosa ho ’na.+
11 Ke tla felisa thabo eohle ea haeE leng mekete ea hae+ ea ha khoeli e qala, lisabatha tsa hae le linako tsohle tsa hae tsa mekete.
12 Ke tla senya lifate tsa hae tsa morara le tsa feie* tseo a itseng ka tsona:“Ona ke moputso oa ka oo ke o filoeng ke bao ke ratanang le bona.”
Ke tla li etsa moru’Me liphoofolo tse hlaha li tla li ja.
13 Ke tla etsa hore a ikarabelle ka lebaka la matsatsi ao ka ’ona a ileng a etsetsa litšoantšo tsa Baale mahlabelo,+Matsatsi ao ka ’ona a neng a ikhabisa ka lireng le ka mekhabiso ebe o sala bao a ratanang le bona morao.
Ka nako eo, o ne a ntebetse,’+ ke Jehova ea chong.
14 ‘Ke tla mo qekisa,Ke ee le eena lehoatatengEbile ke tla bua le eena ka bonolo.
15 Ka mor’a moo, ke tla khutlisetsa lifate tsa hae tsa morara ho eena+Ebile ke tla etsa hore a fete Khohlong* ea Akore+ hore a kene naheng e fanang ka tšepo.
O tla nkaraba a le moo joaloka mehleng ea hae ha a sa le mochaJoaloka mohla a neng a tsoa naheng ea Egepeta.+
16 Letsatsing leo, u tla re ke monna oa hao’Me u ke ke oa hlola u re ke mong’a hao,’* ke Jehova ea chong.
17 ‘Nke ke ka mo lumella hore a bitse mabitso a litšoantšo tsa Baale+Ebile a ke ke a hlola a hopola mabitso a tsona.+
18 Letsatsing leo, ke tla etsa selekane bakeng sa bona le liphoofolo tse hlaha,+Linonyana le liphoofolo tse hahabang.+
Ke tla felisa seqha, sabole le ntoa naheng,+Ke etse hore ba phele ba sireletsehile.+
19 Ke tla u nka hore u be mosali oa ka ka ho sa feleng.Kea u tšepisa hore ke tla u tšoara hantle le ka toka,Ke u rate ke be ke u hauhele.+
20 Ke tšepisa hore ke tla u tšepahalla.
U tla tseba hore ke ’na Jehova.’+
21 Jehova o re, ‘Letsatsing leo ke tla araba,Ke tla araba maholimo,’Ona a tla araba lefatše.+
22 Lefatše le tla araba koro le veine e ncha le oli.Tsona li tla araba Jezriele.*+
23 Ke tla jala batho ba ka joaloka peo lefatšeng,+Ke hauhele ba sa kang ba hauheloa.*
Ke tla re ho batho bao e seng sechaba sa ka: “Le sechaba sa ka,”*+Bona ba tla re: “U Molimo oa rona.”’”+
Linaletsana
^ Kapa: “boitšoaro bo bobe ba thobalano.”
^ Kapa: “boitšoaro bo bobe ba thobalano.”
^ Ka Seheberu: “seno.”
^ Kapa: “feiga.”
^ Kapa: “Phuleng.”
^ Kapa: “Baale oa Hao.”
^ E bolelang “Molimo o Tla Jala Peo.”
