Jobo 11:1-20
11 Tsofare+ oa Monaama a re:
2 “Na mantsoe aa ha ho na motho ea tla a araba,Kapa na ho bua haholo ho etsa hore motho ebe ea lokileng?*
3 Na mantsoe a hao a se nang thuso a tla etsa hore batho ba thole?
Na ha ho na motho ea tla u khalemella mantsoe aa a hao a somang?+
4 Kaha u re, ‘Thuto ea ka e nepahetse+Hape Molimo o bona ke hloekile.’+
5 Empa haeba Molimo a ne a ka phahamisa molomo oa haeEaba o bua le uena,+
6 O ne a tla u bolella makunutu a ho ba bohlale,Hobane bohlale ba ’nete bo tla u ruta lintho tse ngata.
Ka mor’a moo, u tla hlokomela hore Molimo o khetha ho lebala tse ling tsa liphoso tsa hao.
7 Na u ka tseba lintho tse tebileng tsa MolimoKapa na u ka utloisisa lintho tsohle ka* Ea Matla ’Ohle?
8 Bohlale ba hae bo phahame ho feta maholimo, u ka bo finyella joang?
Bo tebile ho feta Lebitla,* u ka tseba eng ka bona?
9 Bo bolelele ho feta lefatše’Me bo sephara ho feta leoatle.
10 Haeba Molimo a tšoara motho ’me a mo isa khotla,Ke mang ea ka mo thibang?
11 O tseba batho ba bolotsana.
Na ha a hlokomele ha lintho tse mpe li etsahala?
12 Motho ea se nang kelello o tla utloisisaMohla tonki e hlaha e ka tsoalang motho.*
13 Haeba feela u ka lokisa pelo ea hao’Me oa otlollela matsoho a hao ho eena,
14 Haeba letsoho la hao le etsa se sebe, u le behelle hole le uena’Me u se ke oa lumella lintho tse sa lokang ka litenteng tsa hao.
15 Ka nako eo, u tla phahamisa hlooho ea hao u sa hlajoe ke lihlong,U tla ema u tiile u sa tšabe letho.
16 Ka nako eo u tla lebala mathata a hao,U tla a hopola joalokaha eka ke metsi a ileng a feta pel’a hao.
17 Bophelo ba hao bo tla khanya ho feta khanya ea motšehare,Le lefifi la bona le be joalokaha eka ke hoseng.
18 U tla ba sebete hobane ho tla be ho e-na le tšepo,U tla qamaka ’me u robale u sireletsehile.
19 U tla robala ho se na motho ea u tšosang,’Me u tla ratoa ke batho ba bangata.
20 Empa ba khopo ba tla foufala,’Me ha ho na moo ba tla balehela teng,Tšepo ea bona e tla ba lefu.”+
Linaletsana
^ Kapa: “na moithorisi e ba ea lokileng.”
^ Kapa: “u ka fumana pheletso ea.”
^ Kapa: “Sheole.” Sheba Tlhaloso.
^ Kapa: “mohla tonki ea naheng e ka tsoaloang e le motho.”
