Jobo 15:1-35
15 Elifaze+ oa Motemane a re:
2 “Na motho ea bohlale a ka bua ntho e sa utloahaleng,Kapa na o tla tlatsa mpa ea hae ka moea oa bochabela?
3 Ho khalemela feela ka mantsoe ha ho na thuso,’Me ho bua feela ha ho na molemo.
4 Ha u nke ho tšaba Molimo ho le bohlokoa,Ebile u etsa hore batho ba se ke ba nahana ka Molimo.
5 Phoso ea hao e etsa hore u bue joaloHape u khetha ho bua mantsoe a nang le bolotsana.
6 Ha se ’na ea reng u molato, ke mantsoe a hao,Lipuo tsa hao lia u tšoarisa.+
7 Na ke uena motho ea tsoetsoeng pele,Kapa na u hlahile pele ho maralla?
8 Na u mamela makunutu a Molimo,Kapa u nka hore ke uena feela ea bohlale?
9 U tseba eng eo re sa e tsebeng?+
U utloisisa eng eo re sa e utloisiseng?
10 Har’a rona ho na le ba moriri o moputsoa le ba holileng,+Banna ba baholo ho ntate oa hao.
11 Na matšeliso a Molimo ha aa u lekanaKapa mantsoe a builoeng ka bonolo ho uena?
12 Ke hobane’ng ha u nkoa ke pelo,’Me ke hobane’ng ha mahlo a hao a tletse khalefo?
13 U halefela Molimo’Me u lumella mantsoe a joalo hore a tsoe molomong oa hao.
14 Ha ho mohla motho e ka bang ea hloekileng,Na motho ea tsoetsoeng ke mosali e ka ba ea lokileng?+
15 Molimo ha a tšepe mangeloi* a haeLe maholimo ha aa hloeka mahlong a hae.+
16 Motho ea sa lokang a bile a nyonyeha e ne e boetse e le eng,+Motho ea noang ho se loke joaloka metsi?
17 Mamela ke u bolelle,Ke tla u bolella lintho tseo ke li boneng,
18 Lintho tseo banna ba bohlale ba li buileng, tseo ba sa kang ba li pata,+Lintho tseo ba li utloileng ho bo-ntate ba bona.
19 Naha e ile ea fuoa bona feela’Me ha ho motho e mong ea ileng a feta har’a bona.
20 Motho ea khopo o lula a e-na le mathata matsatsi ’ohle a bophelo ba hae,O kopana le mathata lilemo tsohle tsa bophelo ba hae.
21 O utloa melumo e tšosang,+Nakong ea khotso masole aa mo hlasela.
22 Ha a lumele hore o tla phonyoha lefifing,+O boloketsoe ho bolaoa ka sabole.
23 O lelera hohle a ntse a batlana le lijo* a re: ‘Li hokae?’
O tseba hantle hore letsatsi la tlokotsi* le haufi.
24 Ho tšoenyeha le mathata li lula li mo tšosa,Li tla ka matla joaloka morena ea itokiselitseng ho hlasela.
25 Kaha o phahamiselitse Molimo letsoho,Ebile o leka ho loantša* Ea Matla ’Ohle,
26 O latella Molimo ka manganga,A nkile thebe ea hae e tenya le e matla,
27 Sefahleho sa hae se tletse monono,Le letheka la hae le tletse mafura,
28 O lula metseng e tl’o felisoa,Matlong ao ho seng motho ea lulang ho ’ona,A tla fetoha qubu ea majoe.
29 A ke ke a rua ’me leruo la hae le ke ke la eketseha,Kapa hona hore lintho tsa hae li tlale hohle lefatšeng.
30 A ke ke a phonyoha lefifing,Lelakabe le tla chesa lekala la hae,’Me o tla bolaoa ke moea o tsoang molomong oa Molimo.*+
31 A se ke a kheloha le ho tšepa ntho e se nang thuso,Kaha a ke ke a fumana letho le molemo,
32 E tla ba ntho e etsahalang kapele,’Me makala a hae a ke ke a ba matala.+
33 O tla ba joaloka sefate sa morara se hlohlorang morara oa sona o sa butsoang,Le joaloka sefate sa mohloaare se hlohlorang lithunthung tsa sona.
34 Hobane ha ho letho le molemo har’a batho ba lahlileng Molimo*+’Me mollo o tla chesa litente tsa batho ba nkang tjotjo.
35 Ba emola khathatso ’me ba tsoala se khopo,Lipopelo tsa bona li hlahisa thetso.”
Linaletsana
^ Ka Seheberu: “bahalaleli.”
^ Ka Seheberu: “bohobe.”
^ Ka Seheberu: “lefifi.”
^ Kapa: “leka ho hlola.”
^ Ka Seheberu: “oa hae.”
^ Kapa: “har’a bakoenehi.”
